фото: ашық дереккөз
Жергілікті тұрғындардың айтуынша, соққылар Каракастың оңтүстігіндегі Форт-Тиуна ауданына және Франсиско де Миранда авиабазасына бағытталған. Сондай-ақ елдің солтүстігінде орналасқан Ла-Гуайра әскери-теңіз базасы да шабуыл нысанасына іліккені хабарланды.
Куәгерлер аспанда америкалық десанттық тікұшақтардың ұшқанын байқаған. Бұған жауап ретінде Венесуэла Әуе күштері Су-30МКВ жойғыш ұшақтарын әуеге көтеріп, тосқауыл қоюға кіріскен. Сонымен қатар ауыр жүк тасымалдайтын Chinook тікұшақтарының да пайдаланылғаны туралы ақпарат тарады.
Жергілікті бұқаралық ақпарат құралдары астанада атыс дыбыстары естіліп жатқанын хабарлап, алдын ала мәлімет бойынша америкалық десант түсірілуі мүмкін екенін жазуда.
АҚШ президенті Дональд Трамп тарапынан арнайы әскери операцияның басталғаны жөнінде ресми мәлімдеме жасалған жоқ. Венесуэла мен АҚШ-тың ресми билік өкілдері де әзірге түсініктеме берген жоқ.
