Бүгін түнде аспаннан жұлдыз жауады

АЛМАТЫ. Бүгін сағат түнгі 23.40-та аспаннан ерекше жұлдыз жауған құбылысты байқауға болады. Қазақстан халқы бір сағатта аспаннан жұлдыздай аққан 100 болидті өз көзімен көреді. Бұл туралы zakon.kz. хабарлады. Жұлдыз-жауын – астрономия ілімінде Персеид деп аталады. Жер Свифт-Таттл кометасының соңынан қалған шлейфке 80 мың километрге дейін жақындайтын кез де осы тұс. Бірнеше миллиметрден бірнеше сантиметрге дейінгі бөлшектер секундына 60 километр жылдамдықпен ұшып келіп, планете атмоферасына ұрынады. Астрономдар айтқандай, аспан ашық болса, жұлдыздар жауынының жап-жақсы көрінуіне Айдың жарығы кедергі келтірмейді. Жоғарыда аталған бұл кометаның құйрығының жарығы – «жұлдызды жауыны» 136 жылда бір қайталанатын көрініс болып саналады. Персеид туралы алғаш рет біздің эрамызға дейін 36-шы жылғы Қытай шежіресінде жазылған. Талғат Сүйінбай. Дерек, сурет: zakon.kz.