Еуропаның ең үздік футболшысы атағына үміткерлер анықталды

АСТАНА. 13 тамыз. Еуропа футбол ассоциациясы одағы (УЕФА) нұсқасы бойынша 2014-2015 жылғы маусымындағы Еуропаның ең үздік футболшысы атағына үміткер үздік үштікке Мадридтің «Реал» камандасының шабуылшысы португалиялық Криштиану Роналду және каталондық «Барселонаның» қос шабуылшысы аргентиналық Лионель Месси мен уругвайлық Луис Суарес енді. Бұл туралы eurosport.ru хабарлады. Еуропаның ең үздік 10 футболшысы қатарына сондай-ақ осы жазғы трансфер кезінде Италияның «Ювентусымен» қоштасып, АҚШ-тың «Нью-Йорк Сити» және Аргентинаның «Бока Хуниорс» командаларына ауысқан Андреа Пирло мен Карлос Тевес та ілінді. Бұлардан бөлек, үздік ондыққа бельгиялық Эден Азар («Челси»), италиялық Джанлуиджи Буффон («Ювентус»), чилилік Артуро Видаль («Бавария»), бразилиялық Неймар («Барселона») және француздық Поль Погба ("Ювентус") кірді. 2014-2015 жылғы маусымындағы Еуропаның ең үздік ойыншысы 27 тамызда дауыс беру арқылы анықталады. Дауыс беруге УЕФА-ның барлық 54 құрама-мүшелерінің өкілдері, журналистер қатысады. Олар үздік ондықты іріктеді, енді 27 тамызда үздік үштіктің арасынан жеңімпазды анықтайтын болады. Айта кететін бір жайт, кешегі УЕФА Суперкубогы үшін болған матчта екі бірдей голдың авторы атанған Лионель Месси еурокубоктардағы гол саны бойынша Криштиану Роналдуға жетті. Айдар Өрісбаев. Дерек: eurosport.com. Сурет: sport.ua.