Еуромен есеп айырысуды қарастыруға бірнеше фактор әсер еткен. Атап айтқанда, еуроның Қазақстанның халықаралық саудасындағы маңызы, Еуропа елдерімен орныққан сауда және инвестициялық байланыстар, сондай-ақ нарық қатысушылары тарапынан валюталық есеп айырысуды әртараптандыруға деген сұраныс бар.
KASE өкілдерінің айтуынша, еуроға қызығушылық Қазақстанның сыртқы экономикалық қызметіндегі бұл валютаның рөлімен тікелей байланысты. Сонымен қатар биржалық операцияларда валюталық мүмкіндіктерді кеңейту қажеттігі де өзекті. Еуропалық юрисдикциялармен қалыптасқан тұрақты сауда-инвестициялық қатынастар бұл бастаманың экономикалық негізін күшейтеді.
Дегенмен, еуромен есеп айырысу енгізу туралы ұсыныс әзірге алдын ала сипатқа ие. Бұл шешім жан-жақты талдауды талап етеді. Атап айтқанда, екінші деңгейлі банктер мен институционалдық инвесторлар тарапынан тұрақты сұраныстың болуы, клиринг, депозитарий және төлем жүйелерін қамтитын техникалық инфрақұрылымның дайындығы, сондай-ақ тиісті реттеуші органдардың келісімі ескерілуі тиіс.
Жобаны іске асырудың нақты мерзімі әзірге белгіленбеген. Ол аталған факторларды кешенді бағалау нәтижесіне байланысты анықталады. Сарапшылардың пікірінше, еуромен есеп айырысу енгізілген жағдайда, бұл қадам KASE-нің халықаралық нарықтармен ықпалдастығын арттырып, инвесторлар үшін қосымша мүмкіндік ұсынуы мүмкін.
