Қазақстан Республикасы Денсаулық сақтау және әлеуметтік даму министрлігінің бұйрығы  №32

2015 жылғы 26 қаңтар, Астана қаласы Қазақстан Республикасында бақылауға жататын есірткіні, психотроптық заттар мен прекурсорларды медициналық мақсатта пайдалану қағидаларын бекіту туралы «Есiрткi, психотроптық заттар, сол тектестер мен прекурсорлар және олардың заңсыз айналымы мен терiс пайдаланылуына қарсы iс-қимыл шаралары туралы» Қазақстан Республикасының 1998 жылғы 10 шілдедегі Заңы 16-бабының 1-тармағына сәйкес бұйырамын: 1. Қоса беріліп отырған Қазақстан Республикасында бақылау жасалуға жататын есірткіні, психотроптық заттар мен прекурсорларды медициналық мақсаттарда пайдалану қағидалары бекiтiлсiн. 2. Медициналық және фармацевтикалық қызметті бақылау комитеті: 1) осы бұйрықтың Қазақстан Республикасы Әділет министрлігінде мемлекеттік тіркелуін; 2) осы бұйрықтың Қазақстан Республикасы Әділет министрлігінде мемлекеттік тіркелгеннен кейін күнтізбелік он күн ішінде мерзімдік баспа басылымдарында және «Әділет» ақпараттық-құқықтық жүйесінде ресми жариялануға жіберілуін; 3) осы бұйрықтың Қазақстан Республикасы Денсаулық сақтау және әлеуметтік даму министрлігінің интернет-ресурсында орналастырылуын қамтамасыз етсін. 3. Осы бұйрықтың орындалуын бақылау Қазақстан Республикасының Денсаулық сақтау және әлеуметтік даму вице-министрі А.В. Цойға жүктелсін. 4. Осы бұйрық алғаш ресми жарияланған күнінен бастап қолданысқа енгізіледі. Қазақстан Республикасының Денсаулық сақтау және әлеуметтік даму министрі Т. Дүйсенова. КЕЛІСІЛДІ Қазақстан Республикасының Ішкі істер министрі ________________ Қ. Қасымов 2015 жылғы 26 қаңтар Қазақстан Республикасы Денсаулық сақтау және әлеуметтік даму министрінің 2015 жылғы 26 қаңтардағы № 32 бұйрығымен бекітілген Қазақстан Республикасында бақылау жасалуға жататын есірткіні, психотроптық заттар мен прекурсорларды медициналық мақсаттарда пайдалану қағидалары 1. Жалпы ережелер 1. Осы Қазақстан Республикасында бақылау жасалуға жататын есірткіні, психтроптық заттар мен прекурсорларды медициналық мақсаттарда пайдалану қағидалары (бұдан әрі – Қағидалар) «Есірткі, психотроптық заттар, прекурсорлар және олардың заңсыз айналымы мен теріс пайдаланылуына қарсы іс-қимыл шаралары туралы» 1998 жылғы 10 шілдедегі Қазақстан Республикасының Заңына (бұдан әрі – Заң) сәйкес әзірленді және құрамында Қазақстан Республикасында бақылау жасалуға жататын есірткі, психотроптық заттар мен прекурсорлардың тізіміне (бұдан әрі – Тізім) енгізілген есірткі, психотроптық заттар мен прекурсорлар бар дәрілік заттарды медициналық мақсатта пайдалану тәртібін белгілейді. Есірткіні, психотроптық заттар мен прекурсорларды медициналық мақсатта пайдалану деп құрамында есірткі, психотроптық заттар және прекурсорлар бар дәрілік заттарды тағайындау, пайдалану, жазып беру, босату, сақтау, бөлу, есепке алу, жою, қажеттілігін айқындау түсініледі. 2. Осы Қағидаларда мынадай негізгі ұғымдар пайдаланылады: 1) науқастың медициналық құжаттары - сырқатнамасы, амбулаториялық картасы, консультациялық тексеріп-қарау жазба парағы; 2) арнайы рецептілік бланк - құрамында Тізімнің ІІ кестесіндегі есірткі, психотроптық заттар бар дәрілік заттарға рецепт жазып беруге арналған бланк; 3) сигнатура - құрамында есірткі, психотроптық заттар мен прекурсорлар бар дәрілік заттарды алудың заңдылығын растайтын құжат; 4) Тізімнің II Кестесі - медициналық мақсатта пайдаланылатын және қатаң бақылауға алынған есірткі және психотроптық заттардың тізімі; 5) Тізімнің III Кестесі - медициналық мақсатта пайдаланылатын және бақылауға алынған есірткі мен психотроптық заттардың тізімі; 6) Тізімнің IV Кестесі - бақылауға алынған прекурсорлар (есірткі мен психотроптық заттарды заңсыз дайындауда жиі пайдаланылатын химиялық және өсімдік заттар) тізімі. 2. Қазақстан Республикасында бақылау жасалуға жататын есірткіні, психотроптық заттар мен прекурсорларды медициналық мақсаттарда пайдалану тәртібі 1-параграф. Амбулаториялық және стационарлық науқастар үшін денсаулық сақтау ұйымдарындағы құрамында есірткі, психотроптық заттар және прекурсорлар бар дәрілік заттарға қажеттілікті айқындау 3. Құрамында есірткі, психотроптық заттар мен прекурсорлар бар дәрілік заттарға қажеттілік денсаулық сақтау ұйымдарында: 1) денсаулық сақтау ұйымының дәрілік формулярына сәйкес; 2) өңірдегі сырқаттанушылық динамикасы мен эпидемиологиялық ахуал деректерінің негізінде; 3) емделіп шыққан науқастардың тіркелімі ескеріле отырып; 4) келесі қаржы жылының 1 қаңтарына болжамды қалдықты, алдыңғы жылға құрамында есірткі, психотроптық заттар мен прекурсорлар бар дәрілік заттардың нақты тұтынылуы ескеріліп айқындалады. 4. Құрамында есірткі бар дәрілік заттар қажеттілігінің есебін денсаулық сақтау субъектілері жүзеге асырады. Құрамында есірткісі бар дәрілік заттардың 1000 адамға шаққандағы халықтың бір жылға арналған қажеттілігін есептеу нормативтері (граммен) осы Қағидаларға 1-қосымшаға сәйкес нысан бойынша, бір төсекке шаққандағы бір жылға арналған қажеттілігін есептеу нормативтері 2-қосымшаға сәйкес нысан бойынша, паллиативтік көмектің (хоспис) онкология бөлімшесі үшін құрамында есірткісі бар дәрілік заттардың бір төсекке шаққандағы бір жылға қажеттілігін есептеу нормативтері 3-қосымшаға сәйкес нысан бойынша, инкурабельді онкологиялық науқастарға арналған апиынды анальгетиктерді босату нормалары 4-қосымшаға сәйкес нысан бойынша. 5. Денсаулық сақтау субъектілері облыстардың, Астана, Алматы қалаларының денсаулық сақтау басқармаларына: 1) жыл сайын, 1 наурызға дейін келесі күнтізбелік жылға арналған құрамында есірткі, психотроптық заттар мен прекурсорлар бар дәрілік заттар қажеттілігінің есептік нормативтерін; 2) тоқсан сайын, есепті тоқсаннан кейінгі айдың 10-күніне дейін бір тоқсанға есірткі дәрілік заттарының нақты шығысы туралы есепті; 3) жыл сайын, 1 наурызға дейін есепті жылдан кейінгі бір жылға құрамында есірткі, психотроптық заттар мен прекурсорлар бар дәрілік заттардың нақты шығыны туралы есепті ұсынады. 6. Облыстардың, Астана, Алматы қалаларының денсаулық сақтау басқармалары Қазақстан Республикасы Денсаулық сақтау және әлеуметтік даму министрлігінің Медициналық және фармацевтикалық қызметті бақылау комитетіне (бұдан әрі – Комитет) ағымдағы жылдың 15 наурызына қарай денсаулық сақтау субъектілерінің қажеттілік нормативтерін есепке ала отырып, келесі жылға құрамында есірткі, психотроптық заттар мен прекурсорлар бар дәрілік заттар қажеттілігі есебінің жиынтық өтінімін ұсынады. 7. Комитет Қазақстан Республикасы Ішкі істер министрлігінің Есірткі бизнесіне қарсы күрес және есірткі айналымын бақылау департаментіне ағымдағы жылдың 1 сәуіріне қарай келесі күнтізбелік жылға Қазақстан Республикасы үшін құрамында есірткі, психотроптық заттар мен прекурсорлар бар дәрілік заттардың қажеттілік есебінің жиынтық өтінімін ұсынады. 2-параграф. Құрамында есірткі, психотроптық заттар мен прекурсорлар бар дәрілік заттарды тағайындау 8. Денсаулық сақтау ұйымдарында амбулаториялық және стационарлық емдеу кезінде құрамында есірткі, психотроптық заттар мен прекурсорлар бар дәрілік заттарды тағайындауды денсаулық сақтау ұйымының дәрігері жүзеге асырады. 9. Жедел және кезек күттірмейтін медициналық көмек көрсету кезінде құрамында есірткі, психотроптық заттар мен прекурсорлар бар дәрілік заттарды жедел медициналық жәрдемнің көшпелі бригадасының дәрігері немесе денсаулық сақтау ұйымының кезек күттірмейтін көмек (үйде көмек көрсету) бөлімшесінің дәрігері тағайындайды. Жедел медициналық көмектің көшпелі бригадасында дәрігерлер болмаған жағдайда құрамында есірткі, психотроптық заттар мен прекурсорлар бар дәрілік заттарды тағайындауды көшпелі бригаданың фельдшері жүргізеді. Құрамында Тізімнің II кестесіндегі есірткі, психотроптық заттар бар дәрілік заттардың пайдаланылуын ресімдеу науқасқа шұғыл медициналық көмек көрсетілгеннен кейін жүргізіледі. 10. Стационарлық емдеуде жатқан науқастарға құрамында есірткі, психотроптық заттар мен прекурсорлар бар дәрілік заттарды тағайындау медициналық көрсетілімдер бойынша жүзеге асырылады. 11. Құрамында есірткі, психотроптық заттар мен прекурсорлар бар дәрілік заттарды тағайындау бір реттік дозасы, қабылдау (енгізу) тәсілі мен жиілігі, емдеу курсының ұзақтығы, сондай-ақ дәрілік заттарды тағайындаудың негіздемесі міндетті көрсетіле отырып, науқастың медициналық құжаттарында белгіленеді және денсаулық сақтау ұйымы бөлімшесі меңгерушісінің немесе басшысының немесе оның рынбасарының қолымен куәландырылады. 12. Басшының міндетін орындайтын бір дәрігер жұмыс істейтін денсаулық сақтау ұйымдарында құрамында Тізімнің II кестесіндегі есірткі, психотроптық заттар бар дәрілік заттарды тағайындауды дәрігер өзі жүзеге асырады. 3-параграф. Құрамында есірткі, психотроптық заттар мен прекурсорлар бар дәрілік заттарды медициналық мақсатта пайдалану 13. Медициналық мақсатта Қазақстан Республикасының аумағында тіркелген және медициналық қолдануға рұқсат етілген және Дәрілік заттардың, медициналық мақсаттағы бұйымдардың және медициналық техниканың мемлекеттік тізіліміне енгізілген, құрамында есірткі, психотроптық заттар мен прекурсорлар бар дәрілік заттар пайдаланылады. 14. Құрамында есірткі, психотроптық заттар мен прекурсорлар бар дәрілік заттарды медициналық мақсатта пайдалану Қазақстан Республикасының рұқсаттар және хабарламалар туралы заңнамасына сәйкес берілген есірткі, психотроптық заттар мен прекурсорлардың айналымы саласында лицензиясы бар денсаулық сақтау ұйымдарында жүзеге асырылады. 15. Амбулаториялық емдеу кезінде пациенттерге құрамында есірткі, психотроптық заттар мен прекурсорлар бар дәрілік заттарды пайдалану жазып берілген рецептіге сәйкес дәрігердің тағайындауы бойынша жүзеге асырылады. 16. Стационарлық медициналық көмек көрсететін денсаулық сақтау ұйымдарында науқастарға құрамында Тізімнің II, III кестелеріндегі есірткі, психотроптық заттар бар дәрілік заттарды беру басқа дәрілерден бөлек жүргізілуі тиіс. Дәрілік заттарды пайдалану (қабылдау) оларды беру сәтінде медицина қызметкерінің қатаң қадағалауымен – ішу арқылы қабылдау, трансдермальді терапиялық жүйелерді салу (пластырь, пленка) - мейіргердің қатысуымен, инъекцияларды енгізу дәрігердің қатысуымен жүргізіледі. 17. Денсаулық сақтау ұйымдарындағы сақтауға арналған орындарда және кезекші дәрігерлер мен мейіргерлердің постыларында есірткінің, психотроптық заттар мен прекурсорлардың жоғары бір реттік және тәуліктік дозаларының кестелері, сондай-ақ олармен уланған кездегі у қайтарғылар кестесі ілінеді. 18. Денсаулық сақтау ұйымдарының бөлімшелерінде (кабинеттерінде) құрамында есірткі, психотроптық заттар мен прекурсорлар бар дәрілік заттардың заттаңбаларын ауыстыруға, өлшеп орауға, шашыратуға, басқа қаптамаға (ыдысқа) құюға және ауыстырып салуға тыйым салынады. 4-параграф. Құрамында есірткі, психотроптық заттар мен прекурсорлар бар дәрілік заттардың рецептілерін жазып беру және оларды босату 19. Науқастарға құрамында есірткі, психотроптық заттар мен прекурсорлар бар дәрілік заттардың рецепттерін тиісті медициналық көрсетілімдері болғанда науқастың жасын ескере отырып, денсаулық сақтау ұйымының дәрігерлері, фельдшерлер, акушерлер немесе өз бетінше қабылдау жүргізетін дәрігерлер жазып беріп, қолын қояды, жеке мөрімен және денсаулық сақтау ұйымының мөртабанымен және мөрімен куәландырылады. 20. Амбулаториялық науқастарға құрамында Тізімнің II кестесіндегі есірткі, психотроптық заттар бар дәрілік заттар осы Қағидағаларға 5-қосымшаға сәйкес нысан бойынша типографиялық тәсілмен дайындалған, А6 форматты, коды, бланк нөмірі мен қорғалу дәрежесі бар қызғылт түсті арнайы рецептілік бланкте жазып беріледі. Коды осы Қағидаларға 6-қосымшаға сәйкес Қазақстан Республикасының әкімшілік-аумақтық бірлігінің шартты сандық мәнін қамтиды. 21. Арнайы рецептілік бланкілердегі рецептілер дәрігердің өз қолымен жазылады, денсаулық сақтау ұйымының мөртабанымен, мөрімен, дәрігердің жеке мөрімен, дәрігердің қолымен, денсаулық сақтау ұйымының бас дәрігерінің немесе оның орынбасарының қолымен куәландырылады. Рецептіде учаскенің нөмірі, медициналық құжаттаманың нөмірі, рецептіні жазып берген дәрігердің тегі, аты, әкесінің аты (бар болған жағдайда), сондай-ақ науқастың тегі, аты, әкесінің аты (бар болған жағдайда), жасы мен тұрғылықты мекенжайы көрсетіледі. Арнайы рецептілік бланкілердің түбіртектері рецептке сәйкес толтырылады және денсаулық сақтау ұйымдарында олардың сақталуына жауапты адамда сақталады. 22. Рецептінің мазмұны, арнайы рецептілік бланкінің сериясы мен нөмірі науқастың медициналық құжаттамасына енгізіледі. 23. Құрамында Тізімнің II, ІІІ, IV кестeлеріндегі есірткі, психотроптық заттар бар дәрілік заттардың рецептілерін тегін немесе жеңілдік жағдайларда жазып беру кезінде рецептілік бланкіге қосымша тегін немесе жеңілдікті босату рецептісі жазып беріледі. Жазып берілген рецептілер осы Қағидаларға 7-қосымшаға сәйкес дәрілік заттарды тегін алуға жазып берілген рецептілерді тіркеу журналында тіркеледі. 24. Тізімнің III, IV кестелеріндегі құрамында есірткі, психотроптық заттар мен прекурсорлар бар дәрілік заттардың рецептілері «Денсаулық сақтау ұйымдарының бастапқы медициналық құжаттама нысандарын бекіту туралы» Қазақстан Республикасы Денсаулық сақтау министрінің міндетін атқрушының 2010 жылғы 23 қарашадағы № 907 бұйрығымен (бұдан әрі – № 907 бұйрық) бекітілген № 130/е нысаны бойынша белгіленген үлгідегі рецептілік бланктерде жазылып беріледі (Қазақстан Республикасының нормативтік құқықтық актілерді мемлекеттік тіркеу тізілімінде № 6697 болып тіркелген). 25. Көп компонентті дәрілік нысандардың құрамына кіретін құрамында есірткі, психотроптық заттар мен прекурсорлар бар дәрілік заттардың атауы рецептіде бірінші жазылады, сосын барлық қалған ингредиенттері көрсетіледі. 26. Жоғары бір реттік қабылдаудан асатын дозадағы құрамында есірткі, психотроптық заттар мен прекурсорлар бар дәрілік заттардың рецептілерін жазып берген кезде дәрілік заттың дозасы жазумен жазылады және леп белгісі қойылады. Дәрігер бұл талапты сақтамаған жағдайда фармацевтика қызметкері жазып берілген дәрілік заттың жоғары бір реттік дозасының жартысын береді. 27. Осы Қағидаларға 8-қосымшаға сәйкес, бір рецептуралық бланкіде құрамында есірткі, психотроптық заттар мен прекурсорлар бар дәрілік заттарды бір рецептіге жазып берудің және босатудың рұқсат етілген шекті нормаларынан аспайтын мөлшерде Тізімнің II, III, IV кестелеріндегі есірткі, психотроптық заттар мен прекурсорлардың бір ғана атауы жазылады. 28. Инкурабельді онкологиялық (гематологиялық) науқастарды емдеу үшін құрамында Тізімнің II, III, IV кестелеріндегі есірткі, психотроптық заттар бар дәрілік заттардың бір рецептіде жазып берілген мөлшері 2 есеге ұлғаюы мүмкін. Дәрілік заттың мөлшері жазумен жазылады және леп белгісі қойылады. Ерекше жағдайларда медициналық айғақтары бойынша инкурабельді науқасқа арналған дәрілік зат 5-10 күн емдеуге қажетті мөлшерде бірнеше рецептіде, бірақ осы Қағидаларға 8-қосымшада көрсетілген рұқсат етілген нормалардан асырмай жазып берілуі мүмкін. Көзге арналған дәрілік нысандарда созылмалы науқастарға бір рецептіде жазып берілген этилморфин гидрохлоридінің мөлшерін босату нормасынан бес есеге дейін ұлғайтуға рұқсат етіледі. 29. Созылмалы аурулары бар науқастарға құрамында Тізімнің III, IV кестелеріндегі есірткі, психотроптық заттар мен прекурсорлар бар дәрілік заттардың рецептілерін мерзімі бір айға дейінгі емдеу курсына жазып беруге рұқсат беріледі. Бұл жағдайларда рецептуралық бланкіде «Арнайы тағайындау бойынша» деп көрсетіледі. «Арнайы тағайындау бойынша» деген нұсқауды дәрігердің өзі жазады, қолымен және жеке мөрімен растайды. 30. Құрамында Тізім кестелеріндегі есірткі, психотроптық заттар мен прекурсорлар бар дәрілік заттардың рецептілері рецепт берілген сәттен бастап күнтізбелік 15 күн ішінде жарамды. 31. Рецептілер бланкіде қарастырылған барлық бағандары міндетті түрде толтырылып, анық жазылады. Рецептіде түзетулерге жол берілмейді. 32. Дәрілік заттарды қолдану тәсілі мемлекеттік немесе орыс тілінде дозасы, қабылдау жиілігі мен ұзақтығы көрсетіліп, белгіленеді. Жалпы нұсқаулармен шектелуге жол берілмейді. 33. Рецептілерді жазу және беру кезінде: 1) Қазақстан Республикасының дәрілік заттардың, медициналық мақсаттағы бұйымдар мен медициналық техниканың мемлекеттік тізілімінде тіркелмеген және Қазақстан Республикасында қолдануға рұқсат етілмеген дәрілік заттарға рецепт жазып беруге; 2) нашақорлыққа шалдыққан науқастарға құрамында Тізімнің II кестесіндегі есірткі, психотроптық заттар бар дәрілік заттарды жазып беруге; 3) амбулаториялық науқастарға этил эфирін, сондай-ақ фентанилдің инъекциялық ерітінділеріне рецептілер жазып беруге және босатуға; 4) бір рецептілік бланкіге құрамында есірткі, психотроптық заттар мен прекурсорлар бар дәрілік заттарды осы Қағидаларға 8-қосымшада көрсетілген мөлшерден артық жазып беруге және босатуға; 5) рецептіде жазып берілген есірткі, психотроптық заттар мен прекурсорлардың дайындалу нысаны құрамынан бөлек заттарды босатуға жол берілмейді. 34. Жоғарыда санамаланған талаптарға сәйкес келмейтін рецепті жарамсыз болып табылады және «Рецепт жарамсыз» деген мөртабанмен жабылады, № 907 бұйрықпен бекітілген № 134/е нысаны бойынша дұрыс жазылмаған рецептілерді есепке алу журналында тіркеледі, одан кейін науқасқа қайтарылып беріледі. Дұрыс жазылмаған рецептілерді есепке алу журналы нөмірленген, тігілген және басшының қолымен және дәріхана ұйымының мөрімен бекітілуі тиіс. Дұрыс жазылып берілмеген рецептілер туралы ақпаратжазып берілген рецептіде қате табылған сәттен бастап бір күн ішінде тиісті денсаулық сақтау ұйымының басшысына тапсырылады. Рецепт жазып берген адам, науқас қайта жүгінген сәтте оның тиісінше ресімделуін қамтамасыз етеді. 35. Құрамында Тізімнің II кестесіндегі есірткі, психотроптық заттар бар дәрілік заттардың рецептілері олар жазылған республиканың әкімшілік-аумақтық бірлігі шегінде, Тізімнің III, IV кестелеріндегі дәрілік заттарына жазылған рецептілер Қазақстан Республикасының барлық аумағында жарамды. 36. Дәріхана ұйымдарынан құрамында есірткі, психотроптық заттар мен прекурсорлар бар дәрілік заттар: 1) осы Қағидаларға 9-қосымшаға сәйкес сенімхат негізінде есірткі, психотроптық заттарға және прекурсорларға қойылатын талаптар бойынша денсаулық сақтау жүйесінде есірткі, психотроптық заттар мен прекурсорлар айналымы саласында жұмыс істеуге құқығына лицензиясы бар заңды тұлғаларға; 2) өлшенген 3,0 және 5,0 грамм калий перманганатын қоспағанда, дәрігердің рецептісі бойынша халыққа беріледі. 37. Денсаулық сақтау ұйымдарының есірткі, психотроптық заттар мен прекурсорларды алуға талаптары басқа дәрілік заттарға қойылатын талаптардан бөлек латын немесе орыс тілінде олардың саны жазумен көрсетіліп жазылады, денсаулық сақтау ұйымы басшысының немесе оның орынбасарының қолымен куәландырылады және ұйымның мөрімен бекітіледі. 38. Инкурабельді онкологиялық науқастарға құрамында Тізімнің II кестесіндегі есірткі, психотроптық заттар бар дәрілік заттарды босату денсаулық сақтау ұйымының басшысы ұсынған, оның қолымен және денсаулық сақтау ұйымының мөрімен куәландырылған бекіту тізіміне сәйкес тегін медициналық көмектің кепілдік берілген көлемі шеңберінде фармацевтикалық қызмет көрсететін дәріханалар жүзеге асырады. Бекіту тізімінде науқастың тегі, аты, әкесінің аты (бар болса) және мекенжайы, рецептіні жазуға жауапты дәрігердің тегі, аты, әкесінің аты (бар болса) көрсетіледі. Бекіту тізімі дәріханаға жарты жылда бір рет беріледі. Денсаулық сақтау ұйымы дәріханаға Тізімнің II кестесіндегі дәрілік заттарға рецепт жазып беруге құқығы бар дәрігерлердің тізімін, денсаулық сақтау ұйымының бірінші басшысының қолымен және мөрімен куәландырылған олардың қолдары мен жеке мөрлерінің үлгілерін ұсынады. 39. Науқасқа құрамында есірткі, психотроптық заттар мен прекурсорлар бар дәрілік заттарды босату кезінде рецептінің келесі бетінде босатылған дәрілік заттың атауы, саны, уақыты және берушінің қолы көрсетіледі. 40. Науқасқа құрамында есірткі, психотроптық заттар мен прекурсорлар бар дәрілік заттарды босату кезінде рецептінің орнына рецептіге және зауыттық таңбалануына (өндіруші зауыт, елі, серия нөмірі (партиясы)) толығымен сәйкес келетін мәліметтері бар, диагоналы бойынша (сол жақтан оң жаққа) сары жолағы бар осы Қағидаларға 10-қосымшаға сәйкес нысанда сигнатура беріледі. Сигнатура дәріні берген фармацевтика қызметкерінің қолымен куәландырылады, сондай-ақ дәріхана ұйымының мөрімен расталады. 41. Денсаулық сақтау ұйымдарына Тізімнің II, III, IV кестелеріндегі дәрілік заттарды беру алынатын заттардың атауын, дозасын, концентрациясын, дәрілік нысаны мен санын жазып көрсете отырып, жеке сенімхат бойынша жүргізіледі. Сенімхаттың қолданыс мерзімі 10 күннен аспауы тиіс. 5-параграф. Құрамында есірткі, психотроптық заттар мен прекурсорлар бар дәрілік заттарды сақтау және есепке алу тәртібі 42. Есірткі, психотроптық заттар мен прекурсорларды сақтайтын үй-жайға (бұдан әрі – сақтау үй-жайы) олармен жұмыс жасауға рұқсат берілген адамдар кіреді. 43. Есірткі, психотроптық заттар және прекурсорлармен жұмыс істеуге нашақорлық, уытқұмарлық, созылмалы маскүнемдік ауруларының жоқ екенін, сондай-ақ есірткі, психотроптық заттар және прекурсорлармен байланысты жұмыс істеуге жарамдылығы туралы психиатр мен нарколог дәрігерлердің қорытындылары және тиісті тексеру жүргізу жөніндегі ішкі істер органдарының қорытындысы бар адамдарға рұқсат етіледі. Есірткі, психотроптық заттар және прекурсорлармен жұмыс істеуге рұқсат етілген адамдардың тізімі денсаулық сақтау ұйымы басшысының бұйрығымен үш жылда бір рет бекітіледі. Есірткі, психотроптық заттар және прекурсорлармен жұмыс істеуге рұқсат берілген адамдардың құрамы өзгерген жағдайда Адамдардың тізіміне тиісті өзгерістер мен толықтырулар енгізіледі. 44. Денсаулық сақтау ұйымдарында, сақтауға арналған орындарда және кезекші дәрігерлер мен мейіргерлердің постыларындағы сейф, шкаф есігінің ішкі жағында құрамында есірткі, психотроптық заттар мен прекурсорлар бар дәрілік заттардың жоғары бір реттік және тәуліктік дозаларының кестелері, сондай-ақ олармен уланған кездегі у қайтарғылар кестесі көрсетілген тізбе ілінеді. 45. Сақтауға арналған үй-жай, сейфтер мен шкафтар жабық тұруы тиіс. Жұмыс күні аяқталғаннан кейін олар мөрленеді және (немесе) пломба қойылады. Кілттері, мөрі және (немесе) пломбир жауапты адамда (бұдан әрі - жауапты адам) сақталады. 46. Құрамында Тізімнің II, III, IV кестелеріндегі есірткі, психотроптық заттар мен прекурсорлар бар дәрілік заттардың кірісі мен шығысы бойынша барлық құжаттар (шот-фактуралар, жүкқұжаттар, сенімхаттар, рецептілер, талаптар) айы мен жылы бойынша тігіліп, мөрленіп жауапты адамда, олардың сақталуын қамтамасыз ету шартымен сейфтерде немесе металл шкафтарда сақтауға арналған үй-жайларда сақталады. 47. Құрамында Тізімнің II кестесіндегі есірткі, психотроптық заттар бар дәрілік заттардың кірісі мен шығысы жөніндегі құжаттар бес жыл бойы, құрамында Тізімнің III, IV кестелеріндегі есірткі, психотроптық заттар мен прекурсорлар бар дәрілік заттардың кірісі мен шығысы жөніндегі құжаттар ағымдағыны санамағанда бір жыл бойы сақталады. Сақтау мерзімі өткеннен кейін, құжаттар, осы ұйымның басшысы тағайындаған тұрақты жұмыс істейтін комиссияның қатысуымен өртеу арқылы жойылады. 48. Сақтау үй-жайынан құрамында есірткі, психотроптық заттар мен прекурсорлар бар дәрілік заттарды беруді жауапты адам ғана жүзеге асырады. 49. Дәріханалардағы ассистенттік бөлмеде Тізімнің II кестесіндегі есірткі, психотроптық заттарының қоры бес күндік қажеттіліктен, денсаулық сақтау ұйымдарының бөлімшелерінде (кабинеттерінде) - үш күндік қажеттіліктен, дәріханалардың сақтау үй-жайларында - мереке және демалыс күндерін қоспағанда, отыз күндік қажеттіліктен аспайды. 50. Стационарлық көмек көрсететін медициналық ұйымында кешкі және түнгі уақытта шұғыл медициналық көмек көрсету үшін құрамында Тізімнің ІІ Кестесіндегі есірткі, психотроптық заттар бар дәрілік заттардың бес күннен аспайтын қорының тізімі денсаулық сақтау ұйымы басшысының бұйрығымен айқындалады, оны жауапты кезекші дәрігердің рұқсатымен пайдаланады. 51. Медициналық сараптама қызметін жүзеге асыратын денсаулық сақтау ұйымдарында сынаудан (талдаудан) қалған құрамында есірткі, психотроптық заттар мен прекурсорлар бар дәрілік заттар үш ай сақталады, одан кейін өтініш берушіге қайтарылады. Дәрілік заттарды қайтару фактісі дәрілік заттарды қайтару туралы тиісті актімен (еркін нысандағы) ресімделеді. 52. Құрамында есірткі, психотроптық заттар мен прекурсорлар бар жарамсыз дәрілік заттар, сондай-ақ сынақтардан (талдаудан) кейін қалған қалдықтар жойылуы тиіс. 53. Денсаулық сақтау ұйымдарында құрамында есірткі, психотроптық заттар мен прекурсорлар бар дәрілік заттар нөмірленген, тігілген, денсаулық сақтау ұйымдары мен Комитеттің аумақтық бөлімшелері басшыларының мөрі мен қолдары қойылған, осы Қағидаларға 11-қосымшаға сәйкес дәріхана қоймаларындағы есірткіні, психотроптық заттар мен прекурсорларды есепке алу, 12-қосымшаға сәйкес бөлімшелерде және кабинеттердегі құрамында есірткі, психотроптық заттар мен прекурсорлар бар дәрілік заттарды есепке алу, 13-қосымшаға сәйкес дәріханада заттық-сандық есепке алуға жататын есірткіні, психотроптық заттар мен прекурсорларды есепке алу, 14-қосымшаға сәйкес мейіргерлер посттарындағы құрамында есірткі, психотроптық заттар мен прекурсорлар бар дәрілік заттарды есепке алу журналдарында заттық-сандық есепке алуға жатады. 54. Ғылыми-зерттеу институттарында, оқу орындарында, сынақ зертханаларында (орталықтарында) құрамында есірткі, психотроптық заттар мен прекурсорлар бар дәрілік заттар мен реактивтер осы Қағидаларға 15-қосымшаға сәйкес сынақ зертханасына (орталыққа) талдау үшін келіп түскен құрамында есірткі, психотроптық заттар мен прекурсорлар бар дәрілік заттарды есепке алу, 16-қосымшаға сәйкес денсаулық сақтау саласындағы ғылыми ұйымдар мен білім беру ұйымдарында есірткіні, психотроптық заттар мен прекурсорларды есепке алу журналдарында заттық-сандық есепке алуға жатады. 55. Есепке алу журналының бірінші бетінде заттық-сандық есепке алынатын дәрілік заттардың тізбесі көрсетіледі. Дәрілік заттың әрбір дәрілік нысаны, дозасы, қапталуы үшін жеке парақ (келесі беті) бөлінеді, онда дәрілік заттың атауы, дәрілік нысаны, дозасы, өлшем бірлігі, журналды толтыруға жауапты адамның тегі мен аты-жөні көрсетіледі. Келіп түскен нөмірі мен күні көрсетіліп, әрбір кіріс құжаты бойынша жазылады. Шығыны күндік қорытындысымен жазылады (күнделікті жазбалар). Есепке алу журналы бір жыл бойы жарамды. 56. Жауапты адам әр айдың бірінші күнінде осы Қағидаларға 17-қосымшаға сәйкес нысан бойынша есірткіні, психотроптық заттар мен прекурсорларды салыстырып тексеру актісін құрастыра отырып, құрамында есірткі, психотроптық заттар мен прекурсорлар бар дәрілік заттардың нақты бар-жоғын кітаптағы қалдықпен салыстырып тексереді. 57. Көрсетілген заттарды түгендеуде әрбір түгендеу ведомосы бойынша нақты қалдықтар анықталады. 58. Нақты қалдықтардың кітаптағы қалдықтардан айырмашылығы анықталған жағдайда, бұл туралы денсаулық сақтау ұйымының басшысы бір тәуліктің ішінде Комитеттің аумақтық бөлімшесіне және ішкі істер органына хабарлайды. 6-параграф. Арнайы рецептілік бланкілер мен олардың талаптарын сақтау, бөлу, босату, есепке алу және жою 59. Денсаулық сақтау ұйымдарын денсаулық сақтауды мемлекеттік басқарудың жергілікті органдары арнайы рецептілік бланкілермен қамтамасыз етеді. 60. Арнайы рецептілік бланкілерді беру бланкінің санын (жазумен), коды мен нөмірін көрсете отырып сенімхат бойынша жүзеге асырылады. 61. Арнайы рецептілік бланкілерді алуға берілетін сенімхаттың қолданылу мерзімі 10 күн (шалғайдағы аудандардың денсаулық сақтау ұйымдары үшін 30 күннен аспауы тиіс). 62. Денсаулық сақтау ұйымдарының арнайы рецептілік бланкілерге талаптары осы Қағидаларға 18-қосымшаға сәйкес нысан бойынша ресімделеді. 63. Арнайы рецептілік бланкілер денсаулық сақтау ұйымына түскен кезде алынған көлемнің ілеспе құжаттарға сәйкестігін тексеретін осы ұйымның басшысы тағайындаған комиссия қабылдап алады. 64. Денсаулық сақтау ұйымында арнайы рецептілік бланкілерді сақтауға және беруге жауапты адам тағайындалады. 65. Арнайы рецептілік бланкілер, сондай-ақ олардың кірісі мен шығысы бойынша құжаттар сейфтерде немесе металл шкафтарда сақталады. Жұмыстың соңында бөлме мөрленеді және (немесе) пломба салынады. Бөлменің кілттері, мөр және (немесе) пломбир жауапты адамда сақталады. 66. Денсаулық сақтау ұйымындағы арнайы рецептілік бланкілердің қоры орташа айлық қажеттіліктен аспайды. Қажеттілікті бекітілген халықты ескере отырып, денсаулық сақтау ұйымы айқындайды. 67. Емдеуші дәрігерге арнайы рецептілік бланкілер денсаулық сақтау ұйымы басшының орынбасарының рұқсатымен нақты бір науқас үшін беріледі. 68. Арнайы рецептілік бланкілер заттық-сандық есепке алуға жатады. 69. Арнайы рецептілік бланкілерді есепке алу кітабы осы Қағидаларға 19-қосымшаға сәйкес нысан бойынша күнтізбелік бір жылға жасалады. Есепке алу кітабы нөмірленеді, тігіледі, денсаулық сақтау ұйымның мөрімен және басшысының қолымен бекітіледі. 70. Әр айдың бірінші күні материалдық жауапты адам арнайы рецептілік бланкілердің нақты санын кітаптағы қалдықпен салыстырып тексереді, бұл туралы осы Қағидаларға 20-қосымшаға сәйкес нысан бойынша арнайы рецептілік бланкілерді салыстырп тексеру актісі жасалады. Салыстыру нәтижелері бойынша айырмашылықтар анықталған жағдайда, денсаулық сақтау ұйымының басшысы бір тәуліктің ішінде бұл туралы Комитеттің аумақтық бөлімшесіне хабарлайды. 71. Арнайы рецептілік бланкілерді есепке алу кітабы оған қатысты барлық кіріс бойынша жұмсалған шығыс құжаттарымен, сейфте немесе металл шкафтарда ағымдағыны санамағанда, бес жыл бойы сақталады. 72. Арнайы рецептілік бланкілердің кірісі мен шығысы бойынша барлық құжаттар (шот-фактуралар, жүкқұжаттар, талаптар, сенімхаттар) олардың сақталуына кепілдік беру шартымен сақталады. Құжаттар айлары мен жылдары бойынша тігіледі. 73. Денсаулық сақтау ұйымының басшысы үйде қайтыс болған науқастардан қалған, пайдаланылмаған арнайы рецептілерді қабылдау мен есепке алуды науқас қайтыс болғаннан кейін күнтізбелік он күн ішінде ұйымдастырады. Үйде қайтыс болған онкологиямен ауырған науқастардың туыстарынан арнайы рецептілік бланкілерге жазып берілген, пайдаланылмаған рецептілерді қабылдау осы Қағидаларға 21-қосымшаға сәйкес нысан бойынша арнайы рецептілік бланкілерде жазып берілген рецептілерді қабылдау-беру актісімен ресімделеді. 74. Қайтыс болған науқастардың туыстары тапсырған, пайдаланылмаған арнайы рецептілер саны осы Қағидаларға 22-қосымшаға сәйкес нысан бойынша қайтыс болған науқастың туыстары тапсырған арнайы рецептілік бланкілерде жазып берілген пайдаланылмаған рецептілерді есепке алудың арнайы журналында тіркеледі. 75. Қайтыс болған науқастардың туыстары тапсырған, пайдаланылмаған арнайы рецептілер кейіннен жойылу шартымен сақталуы тиіс. Рецептілерді жою рецептілердің жиналуына қарай, бірақ айына 1 реттен кем емес, құрамына ішкі істер органының өкілі кіретін тұрақты жұмыс істейтін комиссияның қатысуымен өртеу арқылы жүргізіледі. Пайдаланылмаған арнайы рецептілерді жою фактісі тиісті актімен ресімделеді. 7-параграф. Құрамында есірткі, психотроптық заттар мен прекурсорлар бар дәрілік заттарды жою 76. Стационарлық медициналық көмек көрсететін денсаулық сақтау ұйымдарында құрамында Тізімнің II Кестесіндегі есірткі, психотроптық заттар бар дәрілік заттардың бос ампулалары, ішіндегілері пайдаланылмаған немесе ішінара пайдаланылған ампулалар, сондай-ақ таблеткалар мен пластырьлер (трансдермальді терапиялық жүйелер) жинауға және жойылуға жатады. 77. Денсаулық сақтау ұйымы үйде қайтыс болған науқастардан қалған құрамында Тізімнің II кестесіндегі есірткі, психотроптық заттар бар пайдаланылмаған дәрілік заттарды қабылдауды және есепке алуды ұйымдастырады. 78. Денсаулық сақтау ұйымының бұйрығымен қайтыс болғаны туралы уақытша анықтаманы ресімдеуге жауапты медицина қызметкеріне қайтыс болған онкологиялық аурулары бар науқастың туыстарына пайдаланылмаған арнайы рецептілік бланкілерді және құрамында Тізімнің II кестесіндегі есірткі, психотроптық заттар бар дәрілік заттарды тапсыру туралы ауызша хабарлау, сондай-ақ үйде қайтыс болған науқастан қалған арнайы рецептілік бланкілерді және құрамында Тізімнің II Кестесіндегі есірткі, психотроптық заттар бар пайдаланылмаған дәрілік заттарды қабылдап алу жүктеледі. Қабылдау осы Қағидаларға 23-қосымшаға сәйкес нысан бойынша науқас қайтыс болғаннан кейін қалған құрамында есірткі, психотроптық заттар мен прекурсорлар бар дәрілік заттарды қабылдау-беру актісімен ресімделеді. 79. Денсаулық сақтау ұйымы амбулаториялық картада жазылған дәрілік заттың шығынын кезекті рецептіні алған күннен бастап тексеріп салыстырады. Тапсырылған дәрілік препараттардың саны, олардың атауы мен дәрілік нысандары (ампулалар, таблеткалар, ұнтақтар, пластырьлер (трансдермальді терапиялық жүйелер) және басқалар) нөмірленген, тігілген, ұйымның мөрі және басшының қолы қойылған, осы Қағидаларға 24-қосымшаға сәйкес, қайтыс болған науқастардың туыстары тапсырған, пайдаланылмаған Тізімнің ІІ кестесіндегі есірткі, психотроптық заттарды есепке алу журналында тіркеледі. 80. Тапсырылған дәрілік заттар басқа дәрілік заттардан бөлек мөр басылған және (немесе) пломба салынған сейфте олар жойылғанға дейін сақталады. Мөр және (немесе) пломбир жауапты адамда сақталады. 81. Құрамында Тізімнің II кестесіндегі есірткі, психотроптық заттар мен прекурсорлар бар жарамдылық мерзімі өткен, қайтыс болған науқастардың туыстары өткізген, сондай-ақ сынған, ақауы бар дәрілік заттарды, бос ампулалар, таблеткалар мен пластырьлер (трансдермальді терапиялық жүйелерді), сондай-ақ ішіндегілері ішінара пайдаланылған ампулалар, таблеткалар мен пластырьлерді (трансдермальді терапиялық жүйелерді) жою үшін денсаулық сақтау ұйымы басшысының бұйрығымен ішкі істер органдары мен халықтың санитариялық-эпидемиологиялық салауаттылығы саласындағы мемлекеттік органның аумақтық бөлімшелерінің қызмет өкілдері кіретін тұрақты жұмыс істейтін комиссия құрылады. 82. Құрамында Тізімнің II кестесіндегі есірткі, психотроптық заттар бар дәрілік заттардың жиналуына қарай, әр айдың отызыншы күнінен кешіктірмей денсаулық сақтау ұйымы жанындағы тұрақты жұмыс істейтін комиссияның қатысуымен: ұнтақтар мен таблеткаларды, пластырьлерді (трансдермальді терапиялық жүйелерді) өртеу, ампуладағы дәрілік заттарды жаншу жолымен жою жүргізіледі. 83. Дәрілік заттардың, медициналық мақсаттағы бұйымдардың және медициналық техниканың айналысы саласындағы объектілерде Тізімнің II, III, IV кестелеріндегі есірткі, психотроптық заттар мен прекурсорлар бар қолдану мерзімі өткен, сынған, ақауы бар дәрілік заттарды жою үшін ұйым басшысының бұйрығымен құрамына ұйымның басшысы мен жауапты адам, ішкі істер органдарының, Комитеттің аумақтық бөлімшелері мен халықтың санитариялық-эпидемиологиялық салауаттылығы саласындағы мемлекеттік органның аумақтық бөлімшелерінің өкілдері кіретін тұрақты жұмыс істейтін комиссия құрылады. 84. Жою фактісі осы Қағидаларға 25-қосымшаға сәйкес нысан бойынша денсаулық сақтау ұйымдарында пайдаланылған және ішінара пайдаланылған ампулаларды жою, 26-қосымшаға сәйкес нысан бойынша қайтыс болған науқастардың туыстары тапсырған Тізімнің ІІ кестесіндегі есірткі, психотроптық заттар мен прекурсорларды жою, 27-қосымшаға сәйкес нысан бойынша дәріханалық ұйымда Қазақстан Республикасында бақылаудағы құрамында есірткі, психотроптық заттар мен прекурсорлар бар дәрілік заттарды жою актілерімен ресімделеді. 85. Есепке алу журналында дәрілік заттың әрбір атауы бойынша жойылған күні, сондай-ақ оның саны мен жою тәсілі туралы белгі қойылады. Қазақстан Республикасында бақылау жасалуға жататын есірткіні, психотроптық заттар мен прекурсорларды медициналық мақсаттарда пайдалану қағидаларына 1-қосымша Құрамында есірткісі бар дәрілік заттардың 1000 адамға шаққандағы халықтың бір жылға арналған қажеттілігін есептеу нормативтері (граммен) Р/с № Дәрілік заттың атауы 1000 адамға ш