Италияда 2 мың жыл бұрын жасалған кеме табылды

АСТАНА. 25 маусым. Италияда Ежелгі Римге тиесілі сауда кемесінің қалдықтары табылды. Бұл туралы 24.kz хабарлады. Көне кемені жергілікті полиция Корсика мен Сардиния аралдарының арасындағы шығанақтан тауып алған. Мамандардың айтуынша, кеме шамамен 2 мың жыл бұрын жасалған. Бірақ жақсы сақталыпты. Ұзындығы – 18, ені – 7 метр. Кемеге құрылыс материалдары тиелген. Сарапшылар бұл материалдар Ежелгі Римді басқарған жоғары лауазымды тұлғаның немесе бай көпестің зәулім үйін салуға арналған болуы керек деп болжауда. Сондай-ақ, су көлігінің бағытына сараптама жасаған мамандар кеме Испания жаққа немесе Сардинияның батыс жағалауына бет алған болуы мүмкін дейді. Айта кетейік, қалдықтар 50 метр тереңдіктен табылды. Археологтар мұны «ғылыми құндылығы жоғары олжа» деп бағалап отыр. Талғат Райымбек. Дерек, сурет: 24.kz.