Фото: instagram.com/arsentomsky
Бұл туралы кәсіпкердің өзі «Тарихи жеңістің бастауында тұрған адамға көлік сыйладым» деп жазба жариялады.
«Михаил Шайдоровтың жетістігі Қазақстан мен шетелдегі миллиондаған адамға шабыт берді. Алайда бұл салтанаттың артында жылдар бойғы күнделікті еңбек, тәртіп пен жанқиярлық жатыр.
Бір кезде Станислав Александрович ұлының биік шыңға жету жолын қолдау үшін өз көлігін сатқан еді. Бұл оқиға маған ерекше жақын. Мен де сенген ісім үшін екі рет көлігімді саттым», деді Арсен Томский.
Сондай-ақ кәсіпкер сыйды табыстау сәтіндегі Станислав Шайдоровтың толқығанын жеткізді.
«Көлікті табыстау рәсімінде Станислав Александрович көз жасын тыя алмады. Бұл – ұлымен бірге ұзақ жолды жүріп өткен және өзінің сенімі олимпиадалық алтынға айналғанын көрген адамның көз жасы. Әр чемпионның артында бір кезде «Мен саған сенемін» деген жан тұрады. Ұлы жеңістер әрдайым сенімнен басталады», деп жазды ол.
Михаил Шайдоров жалақысы туралы мәлімдеген Спорт министрлігіне ренішін білдірді
