Фото: Ашық дереккөз
Алдын ала мәліметтерге сүйенсек, жүргізуші аула ішінде көлігін артқа қарай бағыттаған сәтте байқаусызда сәбиді қағып кеткен. Салдарынан екі жасар қыз бала көз жұмды.
Қазіргі таңда Рудный қалалық полициясы сотқа дейінгі тергеп-тексеру амалдарын бастап, оқиғаның барлық егжей-текжейін анықтап жатыр.
Ведомство өкілдері жүргізушілерді тұрғын аймақтар мен аула ішінде, әсіресе кері бағытта қозғалу кезінде, барынша қырағы болуға шақырады.
«Балалардың қауіпсіздігі жоғары жауапкершілік пен жол қозғалысы ережелерін қатаң сақтауды талап етеді», делінген хабарламада.
