«Біз Филиппин Республикасының сайлау комиссиясының өкілдері ретінде Қазақстандағы референдумға қатысуымызға мүмкіндік бергені үшін алғыс айтамыз. Дауыс беру процесі өте ұйымдасқан үлгіде, тыныш және ашық өтті», деді Баланкуит.
Бақылаушы әртүрлі азаматтардың, соның ішінде дауыс беруге келе алмайтын топтардың қатысуына ерекше көңіл бөлінгенін атап өтті.
«Қазақстанның сайлау комиссиясы осал топтарға, сондай-ақ үйде дауыс беруге мұқтаж азаматтарға арнайы шаралар жасап, олардың құқықтарын қамтамасыз етті», деді ол.
Тәуелсіз бақылаушылар: Бюллетеньдерді суретке түсіріп, интернетке жариялағандар болды
Сонымен қатар Баланкуит сайлау комиссиялары мүшелерінің кәсібилігі мен дайындық деңгейіне тәнті болғанын жеткізді.
«Мен сайлау учаскелерінде жұмыс істеген комиссия мүшелерінің шеберлігі мен ұйымдастырушылық қабілетіне қатты әсер алдым. Қазақстандағы сайлау процесінде көптеген инновациялар қолданылып отыр, бұл туралы біз өз еліміздегі сайлау комиссиясы басшылығымен талқылаймыз», деді ол.
Алматыда Тәуелсіз бақылаушылардың Ақпараттық штабының алдын ала қорытынды брифингі өтті
Ховенсио Баланкуит дауыс санау процесінің ашық әрі бақылаушылар қатысуымен өткізілгенін де атап өтті.
«Біз дауыс санаудың ашық және мөлдір түрде өтіп жатқанын көрдік, бақылаушылардың белсенділігі де ерекше. Онымен сөйлескенде, олардың үнемі ынтамен жұмыс істейтінін байқадық», деп толықтырды ол.
Сөз соңында бақылаушы Қазақстан Орталық сайлау комиссиясын сәтті референдум өткізгенімен құттықтап, Филиппин тарапынан бақылау миссиясына шақырғаны үшін алғыс айтты.
ТМД бақылаушылары: Референдумда дауыс беру процесі ашық әрі әділ өтті
«Біз 15 наурыздағы референдумды сәтті өткізгені үшін Қазақстанның Орталық сайлау комиссиясының төрағасы мен мүшелерін шын жүректен құттықтаймыз. Сонымен қатар, біздің елімізді осы сайлау процесін бақылауға шақырғандары үшін алғыс айтамыз», деді ол.
