Еске салайық, бүгін Қасым-Жомарт Тоқаев жұмыс сапарымен Түркістан облысына барды. Президенттің өңірге сапары түркі әлемінің ең ұлы рухани әрі тарихи-мәдени қасиетті орындарының бірі — Қожа Ахмет Ясауи кесенесін зиярат етуден басталды. Бұл нысан ЮНЕСКО-ның Дүниежүзілік мұралар тізіміне енгізілген.
Кейін Түркістан облысының жұртшылығымен кездесуде Президент Түркістанның бауырлас түркі халықтары үшін қасиетті мекен екенін атап өтті. Сондай-ақ қала қазақ халқының тағдырындағы тарихи рөліне тоқталды.
Бұдан бөлек, Қасым-Жомарт Тоқаев референдумға белсенді қатысқан қазақстандықтарға алғыс білдіріп, жаңа Конституция ең алдымен өсіп келе жатқан ұрпақтың игілігі үшін қабылданғанын айтты.
Бұған дейін Мемлекет басшысы қазақстандықтарды Наурыз мейрамымен құттықтаған болатын.
