Фото: Ашық дереккөз
Куәгерлер жөндеу жұмыстары жүргізіліп жатқан аумақта жазатайым оқиға болғанын хабарлаған.
Қарағанды облысы полиция департаментінің мәліметінше, жөндеу жұмыстары барысында асфальт төсегіш катоктың жүргізушісі кері бағытта қозғалып келе жатып, екінші жол жұмысшысын қағып кеткен.
«Оқиға салдарынан ер адам оқиға орнында көз жұмды», деп хабарлады полиция.
Тергеу жүргізіліп, қайғылы оқиғаның барлық мән-жайы анықталып жатыр.
Бұған дейін хабарлағанымыздай, Қарағанды қаласында жазатайым оқиға салдарынан кәріз құдығына түскен екі жұмысшы көз жұмды.
