Педагогикалық ұжымдардағы өзекті мәселелер талқыланды

Кеше Ақордада Мемлекеттік хатшы Гүлшара Әбдіқалықова 2015-2016 жаңа оқу жылының қарсаңында еліміздің білім беру жүйесінің бір топ үздік қызметкерлерімен кездесті. Олардың арасында ауыл мұғалімдері, жаңашыл педагогтар, педагогикалық және ғылыми мекемелер жетекшілері бар. Кездесуге Білім және ғылым министрі А.Сәрінжіпов қатысты. Өзінің кіріспе сөзінде Гүлшара Әб­­­діқалықова Елбасы Н.Назар­­­баевтың: «Бәсекеге қабілетті дамыған мемлекет болу үшін біз сауаттылығы жоғары елге айналуымыз керек», деген сөзін қатысушылардың назарына салды. Одан әрі «100 нақты қадам» Ұлт жоспарының аясындағы білім жүйесін жаңғыртудың бүгінгі кезеңдегі басты айырмашылығы – Экономикалық ынтымақтастық және даму ұйымы елдерінің стандарттары негізінде адами капиталдың сапасын көтеруге маңыз беру екенін атап өтті. Биылғы жылы білім берудің 2011-2020 жылдарға арналған мемлекеттік бағдарламасы бірінші кезеңінің іске асырылуы аяқталады. Осы уақыт ішінде бастауыш білім берудің жалпыға міндетті мемлекеттік стандарты қабылданды, мектепке дейінгі жалпы орта білім беру стандарттарының жобалары әзірленді, педагогикалық кадр­­­­лардың біліктілігін арттырудың түбегейлі жаңа жүйесі құрылды. Мектепке дейінгі білім беру жүйесі табысты дамыды, қа­зіргі уақытта елімізде 8780 мектепке дейінгі мекеме жұмыс істейді, ол 3-6 жас аралығындағы сәбилердің 78,6 пайызын қамтиды. Еліміздің барлық өңірлерінде балаларды оқытудың және тәрбие берудің инновациялық тәсілдерін табысты енгізіп келе жатқан 19 Назарбаев зияткерлік мектебі құрылып, жұмыс істеуде. Жалпы және кәсіптік техникалық білім беру жүйесінде дуалды оқытудың жаңа технология­лары енгізілуде. «100 нақты қадамды» іске асыру аясында эконо­ми­ка­ның 6 жетекші саласына білік­ті кадр­лар даярлау үшін 10 кол­ледж­ белгіленді. Республикада 125 жоға­­ры оқу орны жұмыс істейді, соның 29-ы жоғары және жоғары оқу орнынан кейін білім берудің 252 мамандығы бойын­ша Халықаралық маман­дандырылған аккредитация­дан өтті. Жиналғандарға Мем­лекеттік хатшы осы және басқа да деректерді айтты және өзі де қатысушылардың көкейкесті мәселелерін тыңдады. Соның ішінде Мемлекет басшысы ұсынған бес институттық реформаның аясындағы, сондай-ақ, педагогтардың мәртебесін көтеру, ауыл мектептерінің, техникалық білім беру мекемелерінің, ғылыми және педагогикалық ұйым­дардың жұмыстарына байланысты өзекті мәселелері талқыланды. Мәселен, Солтүстік Қазақстан облысындағы Айыртау ауданы Имантау орта мекте­бінің қазақ тілі мен әдебиетінің мұғалімі Дос­жан Нұрсейітов Гүлшара Әбді­қалықоваға қазақ тілін жеделдетіп оқыту әдістемесін таныстырды. «Мен бүгін өз жобамды таныс­тыр­дым. Ол қазақ тілін жеделдетіп оқы­ту деп аталады. Бұл ре­сей­лік ғалым Д.Пет­­­ровтың әдіс­теме­сінің және ағыл­шын тілін үйре­ту әдіс­темелерінің қа­зақ тіліне икемделген, ықшам­далған көшір­месі. Оны қазіргі техни­ка­лық құрал­дардың көме­гімен ғалам­торға жариялау арқылы қазақ тілін үйренемін деген қазақстандықтар мен шетелдік аза­­маттардың назарына ұсындық. Қазіргі уақытта сұранысы жоғары болып тұр», – деді ол кездесу соңынан БАҚ өкілдеріне. Талқылау нәтижесі бойынша Мем­лекеттік хатшы құзырлы мемле­кеттік органдарға бірқатар нақты тапсырмалар берді. Кездесу соңында Г.Әбдіқалықова жер бе­тіндегі ең ізгі мамандықтың өкіл­дері – педагогтарды алдағы жаңа оқу жылының басталуымен құттық­тап, оларға зор денсаулық, шығар­машылық табыс, бақыт пен игілік тіледі. Кездесуге Қарағанды облы­сындағы Ақтоғай ауданының Ша­шубай кентіндегі тірек мекте­бінің директоры А.Төкбаева, Се­мейдегі Назарбаев зияткерлік мекте­бінің мұғалімі М.Мыңбаева, Алма­тыдағы О.Жәутіков атындағы физика-математика мектебінің оқыту­шысы А.Слободянюк, Шым­кенттегі мұғалімдер білі­мін жетілдіру инсти­­­тутының жаттықтырушысы М.Шой­манова және т.б қатысты. Жақсыбай САМРАТ, «Егемен Қазақстан».