Тағы бір хикая

Жақында отандық экранды Мойнақ ГЭС-і жайында түсірілген отбасылық жаңа кинолента толықтырады деп күтілуде. «Қазақстан» республикалық те­лерадиокорпорациясының тап­­сырысы бойынша «Аста­нате­лефильм» киностудиясы «Жарық» хикаясын түсіруді аяқтады. Фильм көңілді отбасылық сага болып табылады. Қызық сюжетті хикая кейіпкерлері бір-біріне ғашық болып, аяқ асты ажырасады, жақындарын тауып, мәре-сәре күй кешеді. Ал енді бірде бір-біріне іздеу салып жатады, олардың түрлі тосқауылдармен бетпе-бет келулеріне тура келеді. Оқиға желісі негізінен «жоғары кернеу аймағында» – бірегей Мойнақ ГЭС-і айналасында өрбиді. «Сіз гидроэлектростанция­да болып көрдіңіз бе? Міне, күш қайда жатыр! Міне, мінез қайда!», – түсірілім барысы туралы ойларын режиссер Бақтияр Сейітқазиев осылай сипаттайды. – Хикая сюжетіне арналған тағы бір керемет сыйлық – Мойнақ ГЭС-і орналасқан жер: Шарын өзені және Шарын шатқалдары Қазақстанның інжу-маржандары болып табылады. Бұл өңірдің тарихына 12 миллионға жуық жыл болды емес пе! Осы жерлердің тамаша табиғаты мен шынайы түсірілімдер мені суретші ретінде қатты тамсандырғаны рас». Драма және мелодрама жанр­ында кино түсіретін Қыр­ғыз­станның режиссері Бақтияр Сейіт­қазиев мұнда қайдан жүр деген сұрақтың қойылуы заңды. Кәсіби салада әжептәуір табысқа қол жеткізген режиссер өнердегі жолын енді бастап келе жатқан жас маман емес. Оның қорында Қа­зақ­стан көрермендерінің шек­­сіз қы­зы­ғушылығын тудырып үлгерген  хи­каялар, қыс­қа­­­метражды ленталар бар. Сол себепті біз үшін хикаят авторы соншалық кездейсоқ жан деп айта алмаймыз.  «Жарық» көркем телехикаясының әзірлеушілері бұл сериал көрермендердің көңілінен шығатынына сенімді. Телехикая «Қазақстан» телеарнасының эфи­рі арқылы 31 тамыздан бастап көрер­менмен қауышпақ. Айта кету керек, түрлі әрекеттерден тұратын 24 эпизодтың көрермендерді тұ­шымды оқиғаларымен қызық­тырып әкетеріне күмәніміз жоқ. Сонымен бірге, «Қазақстан» РТРК алдағы маусымда аудиторияны таңдандыратын мұнан да  басқа көптеген хикаялар мен ғажап жоба­ларды әзірлеу үстінде. Рауан ЕСҚАЛИ.