Мамандардың айтуынша, зілзаланың эпицентрі Хальмахера аралынан солтүстікке қарай 40 шақырым қашықтықта орын алған. Жер сілкінісінің ошағы 120 шақырым тереңдіктен басталған. Негізінен жер сілкінісі теңіз аумағында болған. Осыған байланысты бұл зілзаладан зардап шеккендер жоққа тән.
Индонезия Тынық мұхитының «от сақинасы» деп аталатын өте күшті тектоникалық жарылыс аймағында орналасқан. Сондықтан бұл өңірде жердің тектоникалық қыртыстары белсенді қозғалыста болады. Мамандардың болжамынша, бұл қыртыстардың қозғалысы жыл сайын 7 см. жылдамдықты құрайды екен. Сейсмологтар жыл сайын бұл өңірде магнитудасы 4 балдан жоғары болатын 6-7 мың жер сілкінісін тіркейді. Көп ретте жер сілкінісінің зардабынан адамдарға үлкен апат әкелетін цунамилер орын алады.
