Ұлттық спорт ұлықталған күн

Облыс орталығындағы ипподромда ұлттық спорт түрлерінен IV облыстық фестиваль өтті.  Шара аясында спорттың 12 түрі бойынша жарыстар өткізіліп, облыс орталығы және барлық аудандардан жиналған 500-ден астам спортшы өнер көрсетті. Ипподром маңына Ақтөбе қа­ласы мен аудандар киіз үйлер әкеліп тікті. Қобда, Қарғалы аудандары киіз үйлерінің іші-сыртын жайнатып қана қоймай, үй маңына қолөнер шеберлері туындыларын, ата-бабаларымыз тұрмыста қолданған бұйым­дарды қойыпты. Сондай-ақ, ол өңірімізде спорт саласын дамыту, материал­дық жағынан нығайту мақса­тында жасалып жатқан істер туралы айтты. Бір ғана 2013 жылы облысымыздағы спорт ғимараттарының қатары жаңа 47 нысанмен толыққан. Қазіргі уақытта барлық спорт мектептері күрделі жөндеуден өткен. Осының нәтижесінде, дене шынықтырумен және спортпен тұрақты айналысатын тұрғындар үлесі көрсеткіші жөнінен облысымыз республика бойынша алдыңғы қатардағы бес өңірдің бірі болып отыр. Ал жақын жылдары Ақтөбеде Мұз сарайын, жекпе-жек спорт түрлері бойынша Спорт сарайын салу жоспарланған. Каратэші Ринат Сағындықов, самбодан ерлер арасында Әлем Кубогы кезеңінің жеңімпазы Есет Қуанов, бокстан жасөспірімдер арасында 2015 жылғы Азия чемпионатының қола жүлдегері Рахат Сейітжан, тоғызқұмалақтан әлем чемпионатының жеңімпазы Нұрбек Қабиев, шахматтан оқу­­шылар арасындағы әлем чемпио­­натының қола жүлдегері Арыс­тан­бек Оразаев және басқалары бар. Сонымен қатар, Ақтөбедегі ұлттық спорт түрлері бойынша спорт мектебі директорының орынбасары Абат Аймағамбетов, Байғанин аудандық балалар және жасөспірімдер спорт мек­тебінің жаттықтырушысы Нәсір Қарағұлов, №1 Мәртөк орта мектебі дене тәрбиесі пәнінің мұғалімі Сергей Полегоньколар ҚР Мәдениет және спорт ми­нис­трлігі Спорт және дене шы­нық­­тыру істері комитетінің Ал­ғыс хатымен марапатталды. Ат үстінде келе жатып 10 секунд уақыт ішінде жерден бес монетаны іліп әкеткен Әлихан Бәшенбаев теңге ілуден бірінші орынға ие болды. Қыз қууда Наурыз Қайыр­ға­лиев пен Ақжан Жалма­ғам­бетова жұбы жеңімпаз атанды. Бес салмақ дәрежесі бойынша отыз­дан астам адам бақ сынаған аударыспақта ең жоғары салмақта мұғал­жарлық Мейрамбек Әлиев жеңіске жетті. Көкпарда Ақтөбе қаласының құрамасы бірінші орынды ием­денді. Тоғызқұмалақта ерлер арасында Мәди Ілиясов, ал қыздар арасында Назым Қарағұлқызы бірінші орынға қол жеткізді. Қазақ күресінен Шыңғыс Шоқ­пытов қарсылас шақ келтір­меді. Сатыбалды СӘУІРБАЙ, «Егемен Қазақстан», Индира ӨТЕМІС, журналист. Ақтөбе облысы.