Қажылық сапарға әзірсіз бе?

Қазақстан мұсылмандары Діни бас­қармасы Қажылық миссиясы еліміз­дің қажыларын тек «FlyNas» халық­аралық әуе компаниясы тасымалдауға құқылы екенін және одан өзге компаниялармен ұшуға рұқсат етілмейтінін хабарлайды. Қазақстан Республикасы Ин­вестициялар және даму минис­трлігі Азаматтық авиация комитеті мен Сауд Арабиясы Ко­рольдігі Азаматтық авиация басқармасы арасында қабылданған меморандумға сәйкес, 2015 жылғы қажылық маусымында Қазақстан қажыларын толық тасымалдау құқығы «FlyNas» халықаралық әуекомпаниясына берілді. Тасы­малдау тек Алматы – Жидда – Мә­дина – Алматы бағыты бойынша орындалады. Қажылардың аттану уақыты 11-16 қыркүйек, ал ұшып келу уақыты 27 қыркүйек пен 7 қазан аралығында жүзеге асады. Құрметті бауырлар! Қажылыққа құжаттарды қа­былдау мерзімінің бітуіне өте аз уақыт қалды. Санаулы сәттерді сәтті пайдалануларыңызды сұрай­мыз. Қажылыққа қатысты сұрақтар бойынша ҚМДБ Қажылық миссиясы мүшелеріне, қажылық компа­нияларының өкілдеріне жолығып, қажетті ақпараттарды алуға болады. Биыл елімізден 4005 қажы парызын орындайды. Оларға білікті дәрігерлерді, теолог-ғалымдарды, имамдарды, журналистерді біріктірген ҚМДБ Қажылық миссиясы қызмет көрсетеді, деп хабарлады Қазақстан мұсылмандары Діни басқармасының баспасөз қызметі.