Қаппаров өмірінің соңғы сәттері туралы тың деректер айтылды

АСТАНА. 31 наурыз. «Қазатомөнеркәсіп» ҰАК» АҚ-тың бұрынғы басқарма төрағасы Нұрлан Қаппаров өмірінің ең соңғы минуттары жөнінде тың деректер пайда болды. Бұл туралы newsstop.kz хабарлады. Хабарламада көрсетілгендей, Нұрлан Қаппаров 26 наурызда Бейжіңге Дубайдан келген. Оны компанияның Бейжіңдегі өкілдігінің директоры Ашықбаев пен Бейсенов деген азаматтар қарсы алған. Содан кейін олар түскі астарын ішуге «Цзинбао» ресторанына барады. Н.Қаппаров дастархан басына отырмас бұрын әжетханаға беттейді. Сол сәттерде жүрегі қысылған оны мейрамхананың техникалық қызметкерлері байқап қалады да, жалма-жан медициналық көмек шақырады. Дәрігерлер оған  жүрек кардиограммасын жасайды. Олар Н.Қаппаровтың жүрегі тоқтап қалғанын хабарлайды. Жүрекке массаж жасағанымен, оңды нәтиже болмаған. Ол сағат 14.33-те аймақтағы Чаоянг емханасына жеткізіледі. Өкінішке қарай, осы емханада марқұмның 14.50-де қаза болғаны хабарланған. Айта кетейік, Қаппаров шетелге жұмыс сапарымен шыққанда жеке күзетсіз жүре береді екен. Жолдыбай Базар. Дерек, сурет: newsstop.kz.