Талап қойып, міндеттер жүктеді

Кеше Премьер-Министрдің орынбасары Бердібек Сапарбаев жұмыс сапарымен Алматыда болды. Мұнда Вице-премьер ме­га­полистің әлеуметтік-эконо­микалық дамуымен, жаңа оқу маусымына дайындығымен танысып, Алматының қыс­қы Универсиада-2017-ге әзірлік барысын көрді. Сондай-ақ, Азиада нысандарын пайда­ланудың тиімділігін тексерді. Атап айтқанда, ол «Сұңқар» халықаралық шаңғы трам­плиндері кешенін қарап шығып, Универсиада нысандарын – Мұз ареналарын, сондай-ақ 5 мың спортшыны қабылдауға арналған Атлеттер ауылын аралады. Сонымен бірге, Бердібек Сапарбаев республикалық және қалалық қан орталықтары мен жалпы білім беретін мектепке барып олардағы жағдаймен танысты, Балуан Шолақ атындағы спорт және мәдениет сарайын аралап көрді. Сапар барысында Вице-пре­мьер қала активінің қаты­суы­мен кеңес өткізді. Онда білім мазмұнын жаңарту және оның болашаққа бағдарлануы мәселелері қаралды. Өз сөзінде Бердібек Машбекұлы Алматының білім беру саласының проблемалы мәселелеріне баса назар аударды. Бірінші кезекте, бұл мектепке дейінгі мекемелердің жетіспеушілігіне қатысты екен­дігін айтып өтті. Премьер-Ми­нистр­дің орынбасары қалалық әкімдікке жеке сектор, МЖС және меценаттарды тарту есебінен балабақшалар ашу бойынша жұмысты күшейтуді тапсырды. Тағы бір мәселе, оның айтуынша, балалардың қосымша білім берумен аз қамтылуы болып отыр. «Қосымша білім беру – балаларды өзін-өзі дамытуға үйретудің және оларды еңбекке, спортқа және мәдениетке тарту­дың тиімді тетігі. Қосымша ұйымдар желісін, оның ішінде жеке сектор арқылы белсенді дамыту қажет», – деп баса айтты Вице-премьер. – Ал­маты оқу орындарында кадрларды келісімшартпен даярлау және дуалды білім беру жүйесін мүмкін жерлерде белсенді енгізу қажет. Қалалық жоғары оқу орындары мен колледждердің барлығы өз жұмысында Алматы қаласының даму жоспарын ескеруі тиіс. Кадрлар жергілікті нарық сұраныстары мен мемлекеттік бағдарламаларды жүзеге асыруға сәйкес әзірленуі керек», – деп толықтырды ол өз сөзін. Кеңесті қорытындылаған Вице-премьер басты міндет Мемлекет басшысының білім сапасын арттыру бойынша тапсырмаларын мүлтіксіз орындау болып табылатынын баса айтты. Ол мемлекеттік органдарға мегаполистің білім саласын одан әрі дамыту үшін бірқатар тапсырмалар берді. «Алматы Қазақстанның бар­лық өңірлеріне үлгі болуы тиіс. Сондықтан, біз қаланың білім саласы жақсаруы үшін бар күш-жігерімізді салуымыз керек», – деп түйіндеді сөзін Вице-премьер. Жұмыс сапарының соңында Бердібек Сапарбаев Алматының сауда орындарын аралап, азық-түлік