Қазақстандық әскери теңізшілер «Қазақстан», «Орал», және «Сарыарқа» зымыранды-артиллериялық кемелерінің жауынгерлік мүмкіндіктерін сынады. Соның аясында Каспий теңізінде ҚР ҚК Әскери-теңіз күштерінің ауқымды жаттығуы өтті.
Артиллериялық кемелер су үстінен әуеге бағытталған және су асты миналарын залалсыздандыру жаттығуларын сынады. Жинақылыққа ерекше көңіл бөлген Экипаж мүшелері жаттығуларды жоғарғы дәлдікпен орындады. Дәл осындай тапсырмаларды әскери теңізшілер биыл жазда өтетін «Каспий теңізі-2015» байқауында қайталайтын болады.
Аталған жарыста біздің әскери қызметшілеріміздің нағыз қарсыласы Түркіменстан, Ресей және Әзербайжан теңіз жаяу әскерлерінің үздік теңізшілері мен бөлімшелері болмақ. Осыны ескере отырып, қазақстандық әскери кемелердің экипаждары мен теңіз жаяу әскерлерінің бөлімшелері теңіз биатлонының барлық бағыттарында белсенді даярлық өткізуде.
Бүгінгі күні олар теңіз жағасында және су жолындағы қауіптер арқылы жүзуді, кемедегі якорды 30-40 метр тереңдікте орнату, МСС-65 халықаралық жиын дабылына сәйкес жарық және жалау арқылы белгі беру және қабылдау, сондай-ақ, бортта қалып қойған адамды құтқару бойынша шараларды пысықтады.
«Егемен-ақпарат».
