АЛМАТЫ. 19 мамыр. Әншінің туған күніне орай Республика алаңына оның достары мен әріптестері, шығармашылық интеллигенция өкілдері жиналып еске алу кешін өткізді. Бұл туралы egemen.kz хабарлады.
Мәскеу қаласынан арнайы келген МУЗ-ТВ телеарнасының директоры Арман Дәулетияров: «Мен Батырдың туған күнінде оны еске алып отырған өз отандастарыммен бірге осында, Алматыда болғанды борышым деп санадым. Оның әсерлі әндері біздің жүрегімізде мәңгі сақталады. Батырхан – Қазақстан мен Ресейдің музыкалық мәдениетінің дамуына үлкен үлес қосқан ерекше тұлға» деді.
Қазақстандық «Chick Flick» әншілер тобы Батырдың репертуарынан танымал хиттер орындады. Жастар сүйікті әншісінің сағымдай болып қалған әндерін көздеріне жас алып тыңдады.
Батырхан Шөкеновтің туған күніне орай еске алу кеші Ресей мен Қытайда да өтті.
Айта кетейік, әнші көзі тірі болса биыл 53 жасқа толар еді.
Талғат Сүйінбай.
Дерек, сурет: egemen.kz.
