Жаңаөзенде қаруланған 3 жігіт букмекерлік кеңсеге шабуыл жасады

АҚТАУ. 19 мамыр. Маңғыстау облысы Жаңаөзен қаласында қаруланған үш жігіт букмекерлік кеңсеге шабуылдады. Бұл туралы lada.kz сайтына сілтеме жасап, egemen.kz тілшісі хабарлады. Қылмыс Жаңаөзен қаласындағы 4-ші шағын ауданында орналасқан Inbet букмекерлік кеңсесінде болған. Оқиға орнына келген шұғыл-зерттеу тобы маска киіп, қаруланған 3 жігіттің кеңсеге басып кіріп, ондағыларды қорқытып, кассадағы барлық ақшаны беруін талап еткендігін анықтады. Қарақшылар 15 мың теңге көлемінде ақшаны алып кеткен. Олардың біреуі ойын үстелі маңындағы жастарға қарай оқ атқан. Салдарынан жарақаттанған 23 және 24 жастағы екі жігіт Жаңаөзен қалалық ауруханасына жеткізілді. Бүгінде олар травматология бөлімінде ем-дом қабылдауда. Қаңғыған оқ бірінің жамбасына тисе, екіншісінің қолын жарақаттаған. Қазіргі таңда бұл іске қатысты нақты деректер жоқ. Тергеу амалдары жүргізілуде. Гүлайым Шынтемірқызы. Дерек, сурет: lada.kz.