Қайырымдылық

Республикалық диагностикалық орталығында «Нұр Отан» партиясы «Бақытты балалық шақ» жобасының аясында партияның осындағы филиалы «Балаларды мектепке дайындайық» акциясын өткізді. Оны Ұлттық медициналық холдингтегі партияның филиалы еншілес ұйымдардың кәсіп­одақ комитеттерінің қол­дауымен ұйым­дастырған. Ак­цияның мақ­саты – өз қызметкерлері арасындағы аз қамтылған және көпбалалы отбасылар балаларының мектеп жарақ­тарын, оқулықтар алуы үшін материалдық көмек беруге саяды. Осы күні холдингтің еншілес кәсіпорындарындағы 125 қызмет­кердің балалары жаңа оқу жылы­на қажетті жарақтар және ақ­шалай сертификат алуға қол жет­кізді. Оларды холдинг пен оның құрамындағы бөлімшелердің бастықтары табыс етті. «Нұр Отан» партиясы филиалының холдингтегі филиалы төрағасының орынбасары Мария Өтебаева жи­налғандарды жаңа оқу жылы­мен құттықтады. Осындай акциялардың 2010 жылдан бері жүргізіліп келе жатқанын атап өтті. Біз өз қызметкерлеріміздің балаларын қолдауға, олардың қиналғандарына әрқашан да қолұшын беруге әзірміз. Бала­лардың жарқын жүздерін, қуа­нышты күлкілерін көрудің өзі бізді қуантады», – деді ол. Соны­мен бірге, ол жиналғандарды Ата Заңның 20 жылдық мерей­тойымен де құттықтады. Ал хол­­динг басқармасының төр­- а­ғасы Нұржан Отарбаев бүлдір­шіндерге жолдарың ақ болсын, денсаулықтарың мықты болсын деген тілек айтты. Ата-аналар атынан сөз алған холдинг қызметкері, нейрохирургия бөлімінің шаруашылық жөніндегі медбикесі Раушан Кәрімова өздеріне жасалған қамқорлықтары үшін холдинг басшылары мен «Нұр Отан» партиясы филиалына алғысын білдірді. Жақсыбай САМРАТ, «Егемен Қазақстан».