«Барселона» Испания чемпионы кубогін мерзімнен бұрын алады

АСТАНА. 19 мамыр. «Барселона» команда капитаны Хавидің арқасында Испания чемпионы кубогін мерзімнен бұрын алатын болды. Бұл туралы championat.com хабарлады. Испания корольдік футбол федерациясы (RFEF) өз регламентіне уақытша өзгерту жасап, чемпиондар кубогін мерзімнен бұрын табыс ету жөніндегі «Барселонаның» өтінішін қабылдады. Негізі, регламентке сәйкес, кубок Испания чемпионатын ұтқан командаға келесі маусымдағы өз алаңдарында өткізетін алғашқы ойында берілуі керек. Ал, бұл жолы федерация жүлдені «Барселонаға» 23 мамырда «Депоривомен» болатын кездесуден кейін табыс ететін болды. Корольдік футбол федерациясы мұндай шешімге команда капитаны Хави үшін барып отырғандарын хабарлаған. Себебі, жартылай қорғаушы жазғы трансфер кезінде командамен қоштасады деп күтілуде. 35 жастағы Хавьер Эрнандестің жасыл алаңға алғаш шыққалы бері каталондықтар намысын қорғап келе жатқанын айта кету керек. Айдар Өрісбаев. Дерек: championat.com. Сурет: reuters.com.