АЛМАТЫ. 20 мамыр. Әзербайжан астанасының Азатлыг даңғы бойында орналсқан 16 қабатты үйді өрт шалып, 16 адам қаза тапты, 54 адам ауруханаға түсті. Бұл туралы АиФ хабарлады.
Бірнеше минут ішінде бүкіл ғимаратты шарпыған тілсіз жау тұрғындарды састырып, әбігерге салды. Тез арада көмеккке келіп жеткен төтенше жағдайлар қызметі адамдарды құтқарудың бар амалын жасады. Алайда, қою түтін араласқан жалын өрт сөндірушілердің жұмысын кідіртті.
Айта кетейік, жалынның бой бермеуіне тұрғын үйдің тез тұтанғыш бірақ сәнді құрылыс материалдарынан салынуы да негізі себеп болған.
Бүгінде Әзербайжан президенті Илхам Әлиевтің тікелей бақылауына алынған өрттің негізгі себептері анықталу үстінде. Қаза тапқандар ішінде 1-5 жас аралығындағы балалар және бір отбасынан бірнеше адам бар.
Халықтың қабырғасын қайыстырған қайғылы жағдайға орай билік тұрғындарды сабырға шақырып, өрттің салдарынан қаза тапқан жандардың туыстарына көңіл айтты.
Талғат Сүйінбай.
Дерек сурет: АиФ.
