Қостанайда Виктория Ганяны өлтірген адамға үкім шықты

ҚОСТАНАЙ. 6 наурыз. Жеті жасар Виктория Ганяны және үш әйелді өлтірген және ұрлық жасаған Денис Лесниковты сот өмір бойы бас бостандығынан айыруға үкім шығарды. Бұл туралы ng.kz хабарлады. Қылмыскер сот үкімін ашулы қарсы алды, сот залында айқайлап, судьяны балағаттады. Еске сала кетсек, Қостанай қаласының 31 жастағы тұрғыны Денис Лесников ұрлық жасағаны және төрт адамның қанын жүктегені үшін айыпталған болатын. Сот үдерісі жабық жағдайда өтті. Прокуратура өкілі қылмыскерге тағылған айыппен толық келісіп, оған өмір бойы бас бостандығынан айыру жазасын шығаруды сұрады. Ал айыпталушы Лесников тек Виктория Ганяны өлтіргенін ғана мойындады. Нәзира Жәрімбетова. Дерек, сурет: ng.kz.