23 Шілде, 2010

Кеше...

338 рет көрсетілді
...облыс прокуроры журналистермен кездесті Өткізілген баспасөз мәсли­ха­тында облыс прокуроры, әділет генерал-майоры Әбді­қа­дыр Кәрім үстіміздегі жылдың алты айында атқарылған қа­да­ғалау жұмыстарына тоқталып өтті.  2010 жылдың жарты жы­лын­да 1294 тексеру жүргізіліп, 12,5 мың­нан аса заң бұзушы­лық анықталды. Екі мыңдай адам түрлі жауапкершілікке  тар­ты­лып, 16 қылмыстық іс қоз­ғалса, 26 мыңнан астам аза­маттың конституциялық құқық­тарының қорғалуы қамтамасыз етілді. Прокурорлар шаруашылық пен әлеуметтік салаларға  жаса­ған  тексерулерінде көптеген қате­ліктерді анықтады. Әсіресе, өңір экологиясына зиян келтір­ген­дер қадағалаудан тыс қал­ма­ды. Облыс прокуратурасының ұсынысымен қоршаған ортаға мөлшерден тыс эмиссия тастаған “Қостанай минералы” АҚ-тан мемлекетке 93 млн-нан астам теңге өндірілді. Прокурорлар облыстағы қыл­мыстық ахуал және сыбайлас жем­қорлыққа қарсы  күрес төңі­регінде журналистерді қызық­тыр­ған сұрақтарға жауап қай­тарды. Нәзира ЖӘРІМБЕТОВА, Қостанай. ...“Заң және кәсіпкер” акциясы аяқталды Қарағанды қалалық про­кура­турасы, “Нұр Отан” ХДП қа­ла­лық филиалы және кәсіпкерлер қауымдастығы бірлесіп өткізген бұл шара бизнестік құрылым­дар­дың өз іс-қызметін жүргізудегі заңнамалық ережелер мен та­лап­тарды сақтауы жайын анықтауға арналды. Мұның алдында олардың та­рапынан мемлекеттік орган­дар­дың белсенді қимыл әрекетте­ріне әлі де бөгесін жасай­тын­дығы тексерулердің азаймаған­дығы, тиісті құжаттар толтыруға көп уақыт кететіндігі туралы түскен арыз-шағымдар жан-жақты талданды. Акция қоры­тындысы кәсіпкерлерге баян етілді. Орын алған олқылық­тарды жою жөнінде шаралар қарастырылды. Айқын НЕСІПБАЙ, Қарағанды. ...АҚШ-тан алтын медальмен оралды Өткен аптада АҚШ-тың Оклаха­ма штатында волейболды отырып ойнаушылар,  яғни, мүгедектер  арасында әлем чем­пионаты аяқталды. Осынау дү­бірлі додаға Қазақстан коман­да­сы да қатысып, өз дивизионында жеңістің ең биік тұғырына көтерілді. Қазақстандық команда құрамында 8 атыраулық және 2 қызылордалық ойыншы сайысқа түскен еді. Команда капитаны Бауыржан Тахауовтың айтуынша, қазақ­стан­дық волейболшылар чем­пионатта алғашқы қатысушылар дивизионында сайысқа түсіпті. Өз тобында жеңіске жеткен қазақстандықтар ақтық сында Англия, Венгрия және Марокко командаларын 3:1 есебімен ұтып, әлем чемпионы атанды. Кеше қа­зақстандық команда құрамын­дағы атыраулық спортшылар ал­тын  медальмен оралып, өңір жұрт­шылығының ыстық ықы­ласына бөленді. Бұл команданың еншісіне былтыр жастар арасын­дағы әлем чемпионатының күміс жүлдесі тиген болатын. Жолдасбек ШӨПЕҒҰЛ, Атырау облысы.
Соңғы жаңалықтар

Айбергенов күнделігі

Әдебиет • Кеше

Кофе және әдебиет - 6

Әдебиет • Кеше

Жасанды интеллект дәуірі

Технология • Кеше

Ұқсас жаңалықтар