Қазақстанда бірінші рет Cisco Connect-2015 конференциясы өтеді

АЛМАТЫ. 21 мамыр. Орталық Азиядағы Cisco Connect конференциясы Алматы қаласында осы жылдың 29-30 қыркүйегінде өтеді. Бұл туралы egemen.kz тілшісі хабарлады. Cisco Connect – бұл Ресей аумағы мен оның маңындағы мемлекеттер арасындағы ірі конференция болып табылады. Жиында ақпараттық технологиялық компаниялардың топ-менеджерлері, сала мамандары мен басшылары, кәсіпкерлер, журналистер мен студенттер бас қосады. Бұған дейін Cisco Connect конференциясына 43 демеуші-компания, 70 медиаәріптестер қатысып, жиналғандар саны рекордтық көрсеткіш – 3374 адамға жеткен. Айта кетейік, конференция өткен жылы Мәскеуде ұйымдастырылған болатын. Осы жылы елімзде өткізілетін жиында әбден дамып келе жатқан интернеттің келешегі, оның біріктіруші күші мен ғаламдық желіге күн сайын жалғанып жатқан адамдар, құрылғылар мен үдерістер айтылып, қатысушылардың талқысына түседі. Cisco Connect болжамы бойынша 2020 жылға қарай интернетке 50 миллиардтан астам құрылғы жалғанып, технологиялық компаниялардың келешегіне үлкен жол ашылмақ. Айнаш Есали. Дерек, сурет: egemen.kz.