Ауыл тұрғындарына бағдарлама жайы түсіндірілуде

2015 жылғы 16 наурыздан Қазақстанда «Жұмыспен қамтудың жол картасы-2020» бағдарламасына және «Өрлеу» жобасына қатысу мәселелері бойынша ақпараттық-түсіндіру жұмыстарын жүргізу үшін құрамына ДСӘДМ Еңбек, әлеуметтік қорғау және көші-қон комитетінің өңірлік департаменттерінің, жұмыспен қамтуды үйлестіру және әлеу­меттік бағдарламалар басқармаларының, жұмыспен қамту бөлімдерінің қызмет­керлері кірген арнаулы мобиль­ді топтар жұмыс істей бастады. Мобильді топтар ал­ғаш­қы жұмыс күнінің қорытын­дысында 8 облыстың 10 ауылдық ауданын қамтыды. Мобильді топтар «Жұмыс­пен қамтудың жол картасы-2020» бағдарламасына және «Өрлеу» жобасына қатысуға ниет білдірген азаматтарды анықтайды. Өтінім берілгеннен кейін мамандар жергілікті жерлерде «Жұмыспен қамтудың жол картасы-2020» бағдарламасының және «Өрлеу» жобасының нақты бағыттары бойынша қатысуға азаматтармен әңгімелесу жә­не кәсіби бағдарлау жұ­мыс­тарын жүргізіп, аталған бағдарламаларға қатысуға қажетті құжаттар топтамасы бойынша кеңестер береді. Мобильді топтардың жұ­мысы нәтижесінде кәсіби бағ­дарлаудан өткен және «Жұмыс­пен қамтудың жол картасы-2020» бағдарламасы және «Өрлеу» жобасының қандай да бір бағытына қатысуды шешкен тұлғалар қажетті топтамасын әзірлейді. Әрі қарай жұмыспен қамту орталықтарының қыз­меткерлері азаматтарды жұмыс­пен қамтуға тікелей қолдау көрсетеді. Жалпы, Қазақстан бойынша құрамына 441 қызметкер енген 178 мобильді топ құрылды. Олар жұмыссыздық деңгейі, нәтижесіз жұмыспен айналысатындар және аз қамтылған тұлғалар саны жоғары, сондай-ақ, «Жұмыспен қамтудың жол картасы-2020» бағдарламасына қатысу деңгейі төмен 191 ауданның 404 елді мекені тұрғындарын қамтуды жоспарлап отыр. Мобильді топтардың жұмысы ағымдағы жылғы 15 сәуірге дейін созылады. «Егемен-ақпарат».