Айдын және айбын

Осыдан 22 жыл бұрын Қазақстан Республикасы Президентінің Жарлығымен Қазақстан Республикасы Қарулы Күштерінің түрі ретінде Әскери-теңіз күштері (ӘТК) құрылған болатын. Каспий өңірі Қазақстан мен әлемдік мемлекеттердің экономикасы үшін айрықша маңызға ие. Теңізді қорғауды қамтамасыз ету үшін елімізде заманауи Әскери-теңіз күштерін құру қажеттілігі туындады. ӘТК-нің басты міндеттері мемлекеттің дербес шекарасын, аумақтық тұтастығын, егемендігін және Каспий теңізінің қазақстандық секторындағы Қазақстан Республикасының эко­номикалық мүдделерін қорғау болып табылады. Әскери-теңіз күштері жоспарлы түрде дамып келеді, оның ішінде кемелердің құрылысы және оларды сатып алу бойынша қарқынды жұмыстар жүргізілуде. Соңғы үш жыл ішінде отан­дық «Зенит Орал зауыты»» АҚ кәсіпорнында жасалған үш зымыранды-артиллериялық кеме қатарға қосылды. Сонымен қатар, Ресейдің кеме жасау зауыттарында «Алатау» миналық-тартқыш кемесі қойылды, бұдан өзге, соққы беретін қаруы бар кемелерді жасау мүмкіндігі зерделенуде. Кеше Ақтауда гүл шоқтарын қою, парад лектерінің салтанатты мерекесі және мерекелік концертті құрайтын салтанатты шаралар өтті. Ақтау гарнизонына қарас­ты бөлімдер басшылығы әске­ри қызметшілерді кәсіби мере­кесімен құттықтап, Қазақстан Республикасы Қарулы Күштері Әскери-теңіз күштерінің жеке құрамының алдына қойыл­ған міндеттерді мүлтіксіз ат­қаратындығына, еліміздің батыс өңірін қорғап, өздерінің жау­ынгерлік, кәсіби шеберліктерін тұрақты жетілдіретіндігіне сенім білдірді. «Егемен-ақпарат».