Әлем назарындағы мәселелер сөз болды

Кеше Қазақстан Республикасы Парламенті Мәжілісі Төрағасының орынбасары Жәнібек Кәрібжанов Біріккен Ұлттар Ұйымының арнайы өкілі, Орталық Азия мемлекеттеріне арналған превентивтік дипломатия­ның өңірлік орталығының басшысы Мирос­лав Енчаны қабылдады, деп хабарлады Мәжілістің баспасөз қызметі. Кездесуде әлем қауымдастығы ер­екше атап өтіп отырған, кеше Астанада болған Халықаралық ядролық сынақ­тарға қарсы іс-қимыл күніне арналған халықаралық конференция жөнінде айтылды. Өткен жылы Қазақстан Рес­публикасының Президенті Нұрсұлтан Назарбаевтың бастамасы бойынша 29 тамыз Ядролық сынақтарға қарсы іс-қимылдың халықаралық күні болып бел­гіленгені және бұл туралы БҰҰ Бас Ас­самблеясының қарары қабыл­дан­ға­ны мәлім. Осы орайда кездесуде Қа­зақ­­стан Президенті Нұрсұлтан Назар­баев­тың және БҰҰ Бас хатшысы Пан Ги Мунның үстіміздегі жылы елімізге келген сапары, бұрынғы полигон ай­мағында болып, әлем қауымдастығын толық ядролық қарусыздану жолында айтқан пікірлерінің маңыздылығы туралы ой қозғалды. Қазақстанның ЕҚЫҰ-ға төрағалық етуі кезінде бейбітшілікті нығайту, қау­іпсіздікті сақтау, даулы мәселелердің шешілуіне ықпал ету жөніндегі ойлар ортаға салынды. Қазақстан осы мә­се­лелердің оң шешімін табу үшін бас­қа да халықаралық беделді ұйымдар­мен бірлесіп қызмет атқаратыны анық. Қырғызстанның саяси-экономика­лық жағдайын тұрақтандыру үшін олар­дың өздері елдің даму жолын ай­қын­дап алуы қажет екені айтылды. Күр­делі жағдайдан шығып кету үшін қыр­ғыз еліне гуманитарлық көмек көр­сетудің мән-жайы сөз болды.