Елбасы Қабылдады
Мемлекет басшысы Нұрсұлтан Назарбаев Кеден одағына қатысушы мемлекеттердің ішкі істер министрлері: Ресей Федерациясынан – Рашид Нұрғалиевті, Беларусь Республикасынан – Анатолий Кулешовті, Қазақстан Республикасынан – Серік Баймағанбетовті қабылдады, деп хабарлады Қазақстан Республикасы Президентінің баспасөз қызметі. Министрлер Мемлекет басшысына Астанада өткен Кеден одағына қатысушы мемлекеттер Ішкі істер министрлері кеңесінің қорытындылары, атап айтқанда, Қазақстан, Беларусь және Ресей құқық қорғау органдарының ұйымдасқан қылмысқа, есірткі бизнесіне және заңсыз көші-қонға қарсы күрестегі, бірыңғай кедендік кеңістікте ақпараттар алмасудағы ынтымақтастығын дамыту мәселесі туралы баяндады. Журналистерге арналған брифингте Рашид Нұрғалиев пен Анатолий Кулешов Қазақстанда жүргізіліп жатқан құқық қорғау жүйесін реформалауға жоғары баға берді. – Бізде, Ресейде де ішкі істер министрлігін жаңғырту ісі жүргізілуде. Онда да бірінші міндет – өзге құрылымдарға еш ауыртпалықсыз беру арқылы тән емес міндеттерден босатып, бар назарды қылмыспен күреске шоғырландыру. Мен Қазақстанның құқық қорғау жүйесін жаңғыртудың негізгі бағыттарын қолдаймын, – деді Ресей ішкі істер министрі. Р.Нұрғалиев реформа Қазақстанның құқық қорғау құрылымдары жұмысының ашықтығы мен нақтылығына мүмкіндік туғызатынын атап өтті. Қазақстанда жүргізіліп жатқан реформаның басты мақсаты – полиция жұмысын жақсарту. Бұл ішкі істер органдарының жұмысын ел халқына етене етуге жол ашады, – деп атап өтті А.Кулешов.Олимпиадада бақ сынайтын ең жас спортшы кім
Олимпиада • Бүгін, 16:55
Астанада тағы екі жол учаскесі жабылады
Елорда • Бүгін, 16:42
Ақтау тұрғыны Олимпиада ойындарын көру үшін Парижге велосипедпен барған
Оқиға • Бүгін, 16:19
Олимпиаданың ашылу салтанатында кімдер өнер көрсетеді
Спорт • Бүгін, 16:00
Бұрын өлім жазасына кесілген адам өзін босатуды сұрап отыр
Қазақстан • Бүгін, 15:22
Екі елдің азаматтығын алған Байқоңыр тұрғыны айыппұл арқалады
Оқиға • Бүгін, 15:05