Келелі міндеттер жүктейді

Еліміздің құқық қорғау жүйесін реформалау мәселелеріне арналған кеңесте сөйлеген сөзінде Мемлекет басшысы жаңа реформа­ның мән-маңызына айрықша назар аударды. “Қазақстанда құқық қорғау қызметі мен сот жүйесінің тиімділігін арт­тыру жөніндегі ша­ралар туралы” Жарлыққа қол қой­ды. Бүгінде жер-жерлерде өтіп жат­қан басқосулар­да, кездесулерде ре­форма жаңа құ­қық қорғау жүйесін орнықтыратын маңызды қадам ретінде бағалануда. Облыстық әкім­­діктің үлкен за­лын­да құқы­қ­тық реформа міндеттерін талқы­лауға арналған жиын өтті. Кеңесті өңір басшысы Серік Бі­ләлов ашып, жүргізіп отырды. Ол күн тәртібінде талқыланып от­ыр­ған мәселенің айрықша өзек­ті­лігін атап көрсетті. Президент құ­қық қорғау органдарымен қатар жергілікті ат­қарушы орындарға да құқық бұзу­шылықтың алдын алу және құқық тәртібін қамтамасыз ету жөнінде жоғары жауапкершілік жүктеді, деді ол. Облыс прокуроры Асқар Досе­кенов өз сөзінде Жар­лық құқық қор­ғау органдарын ескі жұмыс әдістерінен арылтып, күн­делікті іс-әрекетін жаңаша әрі са­палы сипатта үйлестіруге бағыт­тайтынын айта келіп прокуратура органдарының құқық қорғау қыз­метіне қатысты үйлестіру функ­циясын күшейту, прокурорға қыл­мыстық қудалаудың заң­дылығын, оның ішінде қылмыс­тық істің қоз­ғалуын қадағалау жөнінде қо­сым­ша міндеттер, оның сотқа дейінгі іс жүргізудегі рөлі мен жауапкер­ші­лігін арттыру талаптары жүктел­генін тілге тиек етті. Ұлттық қау­іпсіздік комитеті облыстық депар­та­ментінің бастығы Нұрлан Қы­дыр­баев Жарлық талаптарынан туын­дайтын маңызды мәселенің бірі бұдан былай қызметтердің қай­талануына жол берілмейтіні, деді. Трансұлттық есірткі қылмы­сынан басқа есірткі қылмыстарын тергеу Ішкі істер министрлігіне беріліп, өкілеттіктер айқындалды. Облыстық соттың төрағасы Нұр­ғазы Әбдіханов жиналғандар назарын сот жүйесіндегі ауқымды құрылымдық, ұйымдық өзгерістер­­ге аударды. Жоғарғы Сот жанынан Соттардың қызметін қамтамасыз ету департаментінің құрылуы сот­тардың қызметін ұйымдастыруды және материалдық-техникалық жағынан одан әрі жақсартуды көз­дейді. Мемлекетке зиян келген жағдайда, тараптардың бітімге ке­луіне байланысты адамдарды қыл­мыстық жауапкершіліктен босату тәртібін реттеуге әрі онша ауыр емес және ауырлығы орташа эко­но­микалық қылмыс жасаған адам­дарды қамауға алу шараларын қол­дануда шектеулердің белгіленуі, келтірілген зиянды өз еркімен өте­ген жағдайда қылмыстық жауап­кер­шіліктен босату, бас бостан­ды­ғынан айыруға байланысты емес жаза­лар­ды, оның ішінде айыппұл, қоғам­дық жұмыстар және бас бос­тан­дығын шектеу, сондай-ақ қа­мауға алуға балама жазалар қол­дану са­ласын кеңейту мұның бәрі қыл­мыстық саясатты ізгілендіруден ту­ған игі мақсаттар болып табылады. Жиында сондай-ақ облыстық экономикалық қылмысқа және сы­байлас жемқорлыққа қарсы күрес де­партаменті бастығы Мал­ғаж­дар Тәт­кеев, облыстық ішкі іс­тер департа­мен­ті бастығының бі­рінші орынбасары А.Дермановский сөйлеп, жұмыс тиім­ділігін жетіл­ді­рудің жолдарын әңгімеледі. Өмір ЕСҚАЛИ, Солтүстік Қазақстан облысы.