Ішкі саясаттың жаңа арналары

Бурабайдағы “Самал” демалыс үйінде еліміздегі ішкі саясат сала­сындағы мемлекеттік органдардың жаңа кезеңдегі жұмысын жетілдіру мәселелерін талқылаған семинар-тре­нинг өткізілді. Оны Мәдениет ми­нистрлігі, Мемлекеттік қызмет істері жөніндегі агенттігі мен Ақ­мола облыстық әкімдігі ұйымдас­тырды. Маңызды іс-шараны Қазақстан Республикасы Президенті Әкімші­лі­гі Ішкі саясат бөлімінің сектор мең­герушісі Айжан Шайназарова кі­ріспе сөзбен ашып, оған шақы­рыл­ған Астана мен Алматы қала­ларының және облыстар әкімдігі ішкі саясат басқармаларының бас­тық­тарына, аудан әкімдері орын­ба­сарларына, белгілі ғалымдар мен БАҚ өкілдеріне белсенді жұмыс тіледі. Мәдениет министрінің орынба­сары Ғазиз Телебаев өз сөзінде тәуелсіз мемлекетіміз өз дамуының елеулі кезеңіне аяқ басқанын атап көрсетті. Қазақстанның ЕҚЫҰ-ға төрағалығы табысты жалғасын табу­да, алдағы желтоқсан айында өтетін Астана Саммитіне әлем жұртшы­лығы айрықша ықылас танытып отыр. Келесі жылы ерекше қуаныш­ты белес – Тәуелсіздігіміздің 20 жыл­­ды­ғы мерекеленбек. Осыған орай мемлекетіміздің маңызды тұ­жырым­дамасы жасалды. Мәселе іс-ша­ралардың санында емес, сапа­сында екендігі даусыз. Мұнда ішкі саясат саласы қызметкерлеріне жүк­телер жауапкершілік салмақты. Вице-министр сондай-ақ, “Мем­лекеттік әлеуметтік тапсырыс тура­лы” Заң қабылдануымен үкіметтік емес ұйымдар қызметі жаңа бағдар­ла­маларын жүзеге асыруға мол мүм­кіндік алғанын, мұнда министрлік бүкіл тапсырыстардың 70 пайызын қамтитын ең ірі тапсырыс беруші болып отырғанын атап көрсетті. Пленарлық мәжілісте Ақмола облысы әкімінің орынбасары Асхат Қайнарбеков, Мәдениет министрлі­гі­нің қоғамдық-саяси жұмыстар департаментінің директоры Бану Нұр­ғалиева, Ақмола облыстық ішкі саясат басқармасының бастығы Гүл­жа­нар Шөкеева, осы облыстағы Ең­бек­шілдер ауданы әкімінің орын­ба­сары Қабиболла Шаяхметов сөз сөйледі. Шеберлік-сыныптар мен тре­нинг­­терде Астана, Алматы, Санкт-Пе­тербург қалаларынан келген белгілі ғалымдар “Азаматтық конферен­ция­лардың” негізгі амалдары”, “Аза­мат­тармен жұмыс жасаудағы әлеуметтік-психологиялық жұмыс ерекшелік­тері”, “Азаматтар мен үкіметтік емес ұйымдардың өзара конструктивті байланысындағы ақпаратты алу және өндіру технологиясы” деген тақы­рыптарда баяндама жасады. Се­ми­нарға қатысушылар Елбасы Н. На­зарбаевтың Қазақстан халқына Жол­дауының басымдықтарын тү­сін­діру жұмыстарын, мемлекеттік ор­ган­дардың азаматтық қоғам мен ішкі саясат саласындағы әлеуметтік мәсе­лелерді шешудегі рөлін, мем­лекеттік органдардың атқарып жат­қан істері жөнінде қоғамды ақпарат­танды­рудағы жаңа технологиялар мен PR-технологияларды қолдану­дың әдіс-тәсілдерін кеңінен талқылады. Бақберген АМАЛБЕК. Ақмола облысы.