Дос елге деген ықылас зор

Парламент Сенатының Төрағасы Қасым-Жомарт Тоқаев Жапонияның Қазақстандағы Төтенше және өкілетті елшісі Сигэо Нацуиді еліміздегі дипломатиялық миссиясының аяқталуына байланысты қабылдады, деп хабарлады Сенаттың баспасөз қызметі. Төраға екі мемлекет арасындағы өзара тиімді ынтымақтастықты одан әрі нығайтудағы табысты ең­бе­гіне байланысты С.Нацуиге ри­зашылық білдіріп, бұдан былайғы қызметінде табысты болуға тілек­тестігін білдірді. Қазақстан-Жапония қа­ты­­нас­та­ры­ның қазіргі бел­сен­ділігін атап өте келіп, Қ.Тоқаев парла­мент­ара­лық ын­тымақтастықты өрістету­дің маңыздылығына тоқ­талды. Сенатта Жапония Пар­ламенті­мен ынтымақтастық жөніндегі топ жұмыс істей­ді, екі елдің жоғары өкілетті органдары арасындағы бай­ланыстар Қазақстанмен Пар­­ламенттік достық лига­сы бойынша табысты жүзеге асып келеді. “Қазақстан үшін Жа­по­ния сая­си және экономи­ка­лық саладағы өзара қарым-қатынастар көлемі жыл сайын артып келе жатқан ел болып табылады. Саяси орталар ғана емес, Қазақстанның қалың жұртшы­лығының да дос елге деген ықыласы артып келеді”, – деді Төраға. Қ.Тоқаев 29 тамызды Бей­біт­ші­лік жолында ядролық қарудан ары­лудың дүниежүзі­лік күні ретінде жа­риялау ту­ра­лы Президент Н.На­зар­баев­тың бастамасын қолдағаны үшін Жапония басшылығына ризашылық білдірді. С.Нацуи өз кезегінде Жа­пония ядролық қарусыздану және қауіп­сіздікті нығайту жөніндегі Қазақ­стан­ның сая­сатын жоғары баға­лай­тынын атап өтті. Елші С.Нацуи Қа­зақ­стан халқына игілік және өркен­деуіне тілектестігін білдірді, осында бола жүріп, өзі­не жаңа әлем және келешектің елін ашқанын айтты.