Кеше Қазақстан Республикасы Президенті Нұрсұлтан Назарбаев Ақтөбе өңіріне жұмыс сапарымен барып, облыстағы индустриялық-иновациялық жобалардың іске асу барысымен, партиялық оқудың жай-күйімен танысты.
Өркендеуге қадам басқан өңірде оң өзгеріс көп
Елбасының жанында Мемлекеттік хатшы – Сыртқы істер министрі Қанат Саудабаев, “Нұр Отан” ХДП Төрағасының бірінші орынбасары Нұрлан Нығматулин, Қазақстан Республикасы Президенті Әкімшілігінің Басшысы Аслан Мусин болды. Елбасы бастаған делегацияны Ақтөбе халықаралық әуежайында облыс әкімі Елеусін Сағындықов қарсы алды.
Жаңа өнімдерге сұраныс көп
Президенттік кортеж әуежайдан бірден өңір экономикасының дамуына тың серпін беріп отырған іргелі кәсіпорындардың бірі – “Ақтөберентген” акционерлік қоғамына ат басын тіреді.
“Ақтөберентген” акционерлік қоғамы директорлар кеңесінің төрағасы Рахымжан Исмағамбетов Елбасын кәсіпорынның бүгінгі тыныс-тіршілігімен және осында соңғы кездері шығарыла бастаған жаңа өнімдермен таныстырды. Ол Нұрсұлтан Әбішұлына “Арман-2” және “Арман-32” флюрографиялық қондырғысын көрсетті. Одан кейін жаңа құрастырылып жатқан компьютерлік томограф жанына тоқталып, осы заманғы озық медициналық қондырғының артықшылықтары мен тиімділігі туралы әңгімеледі.
Акционерлік қоғамның құрылтайшысы “АРСНО” ЖШС екені белгілі. “Ақтөберентген” АҚ елімізде медициналық және өнеркәсіптік рентгендік аппаратын өндіретін жалғыз кәсіпорын болып табылады. Мұнда алып жүрілетін және жылжымалы рентгендік диагностикалық және флюрографиялық аппараты, сонымен қатар дәнекерлеу жалғамаларының дефектоскопиясы үшін стационарлық және жылжымалы өнеркәсіптік аппаратын шығарады.
Кәсіпорын шығаратын 28 түрлі рентген аппаратын әлемнің жиырма үш елі пайдаланады. Олар ТМД елдерінде және шетелдерде үлкен сұранысқа ие болып отыр. Мұнда ресейлік әріптестермен үш бірлескен кәсіпорын құрылған.
“Ақтөберентген” АҚ шығаратын өнімнің ассортиментін және сапалық өлшемдерін кеңейте отырып, инновация саласына елеулі көлемде қаражат бөлуде. Қазақстан Республикасының Үдемелі индустриялық-инновациялық даму бағдарламасы аясында кәсіпорын өз қаражаты және “Қазақстан Даму Банкі” АҚ несиесімен қаржыланатын 16 қиықты осы заманғы компьютерлік томографтар өндіру жобасын жүзеге асыруда. Бұл жоба “General Electrіc Healthcare” (АҚШ) компаниясымен бірге ТМД елдері аумағында бірінші рет қолға алынып отыр.
Өндірісті технологиялық жарақтандыру, өндірістің мәдениеті мен қауіпсіздігі “GE Healthcare”-нің барлық талаптарына сай келетін дайындық жұмыстары жүргізілді. Маусым айында компьютерлік томографтарды құрастырудың бірінші кезеңі жүзеге асырылды. Өндірістік желінің жоспарланған қуаттылығы жылына 28 компьютерлік томограф шығаруға мүмкіндік береді, бағасы осындай шетелдік қондырғыларға қарағанда 30 пайызға төмен. Компьютерлік томограф өндірісі үшін осы заманғы аса жоғары технологиялық медициналық техника өндірілетін жалпы алаңы 900 шаршы метр №3 жаңа құрастыру цехы құрылды.
Жобаның іске асырылуы осы заманғы медициналық рентгендік аппаратпен денсаулық сақтау жүйесі мекемелерін қамтамасыз ете алады. Кәсіпорын өнімдері Қазақстан, Ресей және тағы басқа ТМД елдеріне өткізілетін болады. Мұнда қазірдің өзінде 197 адам еңбек етеді, орташа айлық жалақы – 73500 теңгені құрайды.
Осында қойылған стендтер мен макеттер алдында Елбасы Нұрсұлтан Назарбаевқа облыстың Индустрияландыру картасы туралы облыс әкімінің орынбасары Роза Кемалова баяндады.
Өңірде республикалық Индустрияландыру картасына енгізілген он екі жоба болса, облыстың Индустрияландыру картасы аясында 36 жоба жүзеге асырылатын болады. Солардың арасында республикалық Индустрияландыру картасына енген жобаларды “Ақтөберентген” акционерлік қоғамы, “АЙС” ЖШС, “Ақтөбе мыс компаниясы” ЖШС жүзеге асыруда және облыстық деңгейдегі “Ситал”, “Восход Ориел”, “ҚазақОйлАқтөбе” ЖШС және басқа кәсіпорындар өңірдің қарқынды дамуына серпін беретін болады. Облыста 2020 жылға дейін жалпы сомасы 1,8 триллион теңге болатын 134 инвестициялық жоба жүзеге асырылады. Үстіміздегі жылы жалпы сомасы 143,9 миллиард теңге болатын 43 үдемелі инвестициялық-инновациялық жоба іске қосылады. Облыста үстіміздегі жылдың сегіз айында 578,7 млрд. теңгенің өнеркәсіп өнімдері өндірілді. Жалпы көлем индексі 112 пайызды құрады. Мемлекеттік үдемелі индустриялық-инновациялық даму бағдарламасы аясында жалпы сомасы 1,0 трлн. теңге болатын 84 жоба жүзеге асырылуда.
Есепті кезеңде 54,7 млрд. теңге болатын 18 жаңа нысан пайдалануға берілді. Негізгі капиталға салынған инвестиция көлемі 6,7 пайыз өсті. Осы кезге дейін 218,5 мың шаршы метр тұрғын үй пайдалануға берілді. Облыстың сыртқы сауда айналымы 4414,5 млн. АҚШ долларын құрады. Шағын және орта бизнес нысандары 2,4 пайыз, оларда жұмыс істейтіндер саны 2,0 пайыз, ал шығарған тауарлар мен көрсеткен қызметтері 6,9 пайыз өсті. Сондай-ақ бюджетке түсетін төлемдер мен салықтар артты. Ауыл шаруашылығын дамытуға 5,8 млрд. теңге бағытталды.
Облыстағы қоғамдық-саяси тұрақтылыққа экономиканың қарқынды дамуымен бірге, “Нұр Отан” ХДП облыстық филиалының, белсенді жұмыс істейтін үкіметтік емес ұйымдар мен 8 этно-мәдени орталықтың ықпалы зор.
Елбасы көңіл аударған инвестициялық жобалардың қай-қайсысы да өңір үшін маңызды. 110 сиырға арналған тауарлы-сүт фермасын салып жатқан “АЙС” ЖШС жоба іске қосылғанда облысты сүт және сүт өнімдерімен толық қамтамасыз ететін болады. 23,3 миллион АҚШ доллары көлемінде инвестиция тартылған “Парижская коммуна” ЖШС-ның мал шаруашылығы кешені жылына 40 мың шошқа өсіруге, 3200 тонна шошқа етін өндіруге бағытталған. Елбасы болашақта жүзеге асырылатын жобаларға жататын “Жаңажол ГТЭС-і”, “Батыскалий” ЖШС, “Қандыағаш ГТЭС-100”, “ҚазақОйлАқтөбе” ЖШС сияқты кәсіпорындардың өндірістік негіздемелерімен танысты.
Партиялық оқу орталығы ашылды
Елбасы “Нұр Отан” ХДП Жоғары партия мектебінің Ақтөбе аймақтық орталығына келді. Осы жылдың мамыр айында партия Төрағасы Нұрсұлтан Назарбаевтың тапсырмасы бойынша “Нұр Отан” ХДП-ның Жоғары партиялық мектебі ашылған болатын. Мектептің ашылуы партия өміріндегі маңызды оқиғалардың біріне айналғаны белгілі. Бұл кадрларды партия жұмысының заманауи сипаты мен тәсіліне оқытатын бірегей орталық құруға мүмкіндік берді. Өңірлердің ішінде алғашқы болып Ақтөбе қаласында “Нұр Отан” ХДП Жоғары партия мектебінің аймақтық орталығы өз есігін айқара ашты. “Нұр Отан” ХДП Ақтөбе филиалының ғимараты төрт қабатты, жалпы аумағы 4781,70 шаршы метрді құрайды. Ғимарат 2008 жылы қайта өңдеуден өткізілді. Осында 2008 жылдың қыркүйек айында Қазақстан және Ресей елдері президенттерінің қатысуымен шекаралас аймақтардың бесінші форумы болып өтті. Ғимаратқа жөндеу жұмыстары жүргізілді. Жалғап салынып жатқан 3 қабатты ғимараттың жалпы аумағы 4347, 17 шаршы метрді құрайды. Оның бірінші қабатында екі оқу аудиториясы, екі компьютер класы, екі акт залы, асхана орналасады. Екінші қабатында 350 орынға арналған алты оқу аудиториясы мен мәжіліс залы болады, үшінші қабатта тағы да алты оқу аудиториясы орналасады. Партия Төрағасы Нұрсұлтан Назарбаев мектеп филиалының материалдық-техникалық базасымен танысты, кітапхананы көрді. Содан кейін Ақтөбе, Атырау, Батыс Қазақстан және Маңғыстау облыстарынан келген бастауыш партия ұйымдары төрағаларымен, Ақтөбе бөлімшесінің жұмысшыларымен және облыстың партия активімен кездесті. Олар бұл жолғы семинардың алғашқы тыңдаушылары болды десе де болады.
Кездесуге қатысушылар алдында сөз алған Нұрсұлтан Әбішұлы партияның өткен съезінде бастауыш ұйымдардың беделін барынша көтере отырып, елдің ертеңіне, халықтың мақсат-мүддесіне қызмет ететіндей кадрлық саясат ұстануға тапсырма берілгенін жеткізді. Нұрсұлтан Назарбаев 2020 жылға арналған Стратегиялық даму жоспарын орындау барысында партия қызметкерлері мен белсенділері үшін жергілікті жерлерде қазақстандықтарды қоғамды дамытуға жұмылдыру айрықша маңызды екендігін атап өтті.
– Елмен және халықпен жұмыс істеу демократиялық елде оңай емес, басқалар қалай жұмыс істеу керек екенін білуіміз керек, жаңа саяси технологияларды үйренуіміз қажет. Жалпы, партияда жұмыс істеп жүрген кадрлардың, оның ішінде бастауыш ұйымдар төрағаларының дәрежесі биік болмаса халықпен жұмыс істеу қиын. Қандай мәселеге де халықтың мүддесінен келу керек. Халықты толғантқан барлық мәселелерді оң шешуге ұйтқы болу қажет. Кадрларды оқыту үшін саясаттану жағынан ғылыми білімі бар ғалымдарды тартуымыз керек. Тәуелсіздігін жаңа ғана алған елдер үшін биліктің партиясы болуы әлемдік тәжірибеде бар. Жапонияда, Сингапурда, Малайзияда солай болған. “Нұр Отан” ХДП – халықтың партиясы. Таяудағы 40-50 жылда елдегі тұрақтылық пен бірлікті қамтамасыз етіп, сайлауларда жеңіске жетуі тиіс, – деді Елбасы.
Партиялық оқу жүйесінде кәсібилікті тұрақты көтеру тәртіпке айналуға тиіс, ал партия өз кадрларының интеллектуалдық және қызметтік өсуіне барлық жағдайды жасауы керек. Елбасы партияның жаңа Бағдарламасын да назардан тыс қалдырмады. Оның мақсат-міндеттері Қазақстанның 2020-шы жылға дейінгі стратегиялық даму мақсаттарымен үйлесетінін атап өтті. Онда алдағы 10 жылда “Нұр Отан” партиясы жалпы қоғам мен қолдаушылар алдына ұсынғалы отырған саяси бағыт анықталған.
Ақтөбе мемлекеттік педагогикалық институтының ректоры Ғалымжан Нұрышев елдегі барлық игіліктердің бәрі Елбасының сындарлы саясатынан бастау алатынын жеткізді. Өркениетті елдердің өзімен терезесі тең дәрежеде тұрған Қазақстанның бүгінінен ертеңі ажарлы болатынына Президент жүргізіп отырған сарабдал саясаттың берік негіз қалап отырғанын ерекше атап өтті. “Ақтөбе мыс компаниясы” ЖШС бастауыш партия ұйымы атынан сөйлеген Александр Кошик, Маңғыстау облыстық туризм, дене тәрбиесі және спорт бастауыш ұйымының өкілі Рущаня Елизарьева да еліміздегі саяси тұрақтылықтың, береке бірліктің және экономикалық дамудың берік тұғырын қалап отырған Елбасының сарабдал саясаты деген пікірлерін ортаға салды. Нұрсұлтан Назарбаевқа жергілікті жерде біліктілікті көтеретін, еліміздің дағдарыстан кейінгі жаңаруында аса қажет кәсіби және теориялық білім беретін оқу орталығының ашылғанына өз ризашылықтарын білдірді.
Сонымен қатар нұротандықтар Мемлекет басшысын алдағы 10 жылдықтың ауқымды міндеттерін жүзеге асыруға, сондай-ақ алдағы ЕҚЫҰ Саммиті мен Тәуелсіздіктің 20 жылдығы сынды мемлекеттік және халықаралық маңызды оқиғалардың дайындығы және өткізу жұмыстарына өз үлестерін қосуға әзір екендіктеріне сендірді. Елбасы тапсырмасы бойынша осындай оқу орталықтары тағы да үш аймақта ашылатын болады.
Жастардың бастамасы жалғасын табады
Мемлекет басшысы кортежі мерекедегідей безендірілген облыстық әкімдік алдындағы алаңға бет түзеді. Қаланың басты алаңы түрлі-түсті банерлермен, транспаранттармен және желбіреген жалаулармен безендірілгендіктен, қызылды-жасылды сәулелермен астасқан теңіздей толқиды. Жастардың көңілді дауыстарынан күзгі аспанның ауасы жаңғырығады. Елбасы Нұрсұлтан Назарбаев бастаған делегация мүшелері Әбілқайыр хан ескерткішінің алдына қойылған сахна төріне көтерілді.
Осында Нұрсұлтан Әбішұлы Ақтөбе облысының нұротандықтары бастаған және бүкіл ел жастары қолдаған “Ауылдың өркендеуі – Қазақстанның өркендеуі” атты марафон эстафетасының қорытындысы бойынша облыс жастарының слетіне қатысты. Шалғайдағы елді мекендерді абаттандыру, әлеуметтік мекемелердің құрылысы мен оларға жөндеу жасауға негізделген ақтөбелік жасотандықтардың бастамасы тек жастардың емес, Мемлекет басшысы Нұрсұлтан Назарбаев тарапынан да қолдау тапқан болатын. Оң бастама көп ұзамай өз нәтижесін көрсетіп, республика жастарының кең ауқымды акция-эстафетасына айналды. Тек біздің облыстың өзінде студенттер мен құрылыс жасағы жалауы астында 70 мыңнан астам жастар бірікті.
Акция мүшелері 380 ауылдық округті көркейтуге қатысып, ондағы 300 саябақ, скверлерді, 3300 көше және аллеяларды тазартып, 230 ашық спорт кешендерін және 800 әлеуметтік нысандарды қайта жөндеуден өткізіп, көркеюіне үлес қосты. Сондай-ақ 1650-ден астам жиналған қоқысты жойып, 20 мың тоннадан астам қатты тұрмыстық қалдықтарды шығарды, 300 мыңнан астам жасыл желек отырғызды.
Нұрсұлтан Назарбаев акция белсенділерін құттықтап, қысқаша сөз сөйледі.
– Қазақстан – біздің еліміз, сіздердің еліңіз, ертеңгі күнгі балаларыңыздың елі, сондықтан біздің елді мекендеріміздің таза болып, сәулеті мен көркі келісті болса, ақтөбелік жастардың “Ауылдың өркендеуі – Қазақстанның өркендеуі” атты бастамасы еліміздің барлық аймағында қолдау табуының арқасы, 600 мыңға жуық жастар елді мекендерді көгалдандыруға қатысты, бұл жастардың патриоттық сезімін қалыптастырудың бір үлгісі болды. Бұл бастаманы алдағы жылдары да жалғастыра беріңіздер, мұның бәрі де болашақ үшін жасалып жатқан шаруа. Бүгінгі мерекелік сәтте сіздерді құттықтау үшін арнайы келдім. Елдің болашағы өздеріңізсіздер, осылай еңбектің дәмін татып, адамгершілік қасиеттерді бойларыңызға сіңіре беріңіздер, – деді Елбасы.
Президент Нұрсұлтан Назарбаев марафон акцияға белсене қатысып, өнімді еңбек еткен №32 мектеп гимназиясының 10 сынып оқушысы Нұрсұлтан Досекешовке, Ақтөбе көлік, коммуникация және жаңа технологиялар колледжінің оқушысы Ольга Ганинаға және №30 орта мектептің оқушысы Жармағанбетовке автокөлік кілттерін тапсырды.
Акция-марафонға қатысушылар атынан сөз алған №32 орта мектеп-гимназиясының 10 сынып оқушысы Нұрсұлтан Досекешов жастардың бастамасына ұдайы қолдау көрсетіп келе жатқан Елбасына алғыс сезімін білдірді. Ата-анасының Елбасындай азамат болсын деп өзінің есімін Нұрсұлтан қойғанын мақтанышпен жеткізді. Ақтөбе көлік, коммуникация және жаңа технологиялар колледжінің 2 курс оқушысы Ольга Ганина Елбасына жастардың білім алуына, кәсіби мамандыққа ие болуына және азамат болып қалыптасуына жасалып отырған қамқорлық пен көрсетіліп отырған сенімге ризашылығын білдірді. Оған өздерінің жақсы оқумен және тәртібімен жауап беретіндіктеріне сендірді.
Сәулеті келіскен саябақ
Одан кейін Мемлекет басшысы Орталық мәдениет және демалыс саябағын аралап көрді. Ақтөбеліктер мен қала қонақтарының сүйікті орнына айналған саябақ жуырда ғана қайта жөндеуден өткен еді. Саябақ аумағы 42 гектарды құрайды, көгалдандыру жұмыстары жүргізіліп, жаяу жүргіншілер үшін жолдар салынған.
Саябақтың орталық алаңындағы қорғанда биіктігі 91 метр тутұғыр орналасқан. Тутұғыр негізін Қазақстан Республикасының мемлекеттік рәміздерімен безендірілген барельеф құрайды.
Елбасы суретшілер жанына аялдап, олардың туындыларына назар аударды. Жасанды су айдынындағы судомодельшілердің жұмыстарын тамашалады. Балалардың ойын қалашығында болды. Бұқаралық ақпарат құралдары өкілдерінің сұрақтарына да жауап берді. Елбасы Ақтөбеге жыл сайын келетінін айтып, қаланың жаңарып, жасарып келе жатқанын айрықша атап өтті. Ақтөбенің еліміздегі үздік қалалар қатарына жататынын айтты. Ал осы саябақты Сіздің атыңызбен атауға қалай қарайсыз деген сауалға мүдірместен ондай бастаманың көңіліне қонбайтынын жеткізді. Атын атап, түсін түстемей-ақ еліміздің Тұңғыш Президенті атындағы десе қарсылығы жоқтығын білдірді. Нұрсұлтан Әбішұлы саябақтың жарақтандырылуы мен жасануына көңілі толды.
Журналистердің сұрақтарына жауап бергенде Елбасы өңірдегі индустриялық-инновациялық жобалардың іске асырылу барысына риза екендігін айтып, облыс әкімінің жұмысына жақсы деген баға берді.
Сатыбалды СӘУІРБАЙ, Суреттерді түсіргендер С.БОНДАРЕНКО, Б.ОТАРБАЕВ.
Өркендеуге қадам басқан өңірде оң өзгеріс көп
Елбасының жанында Мемлекеттік хатшы – Сыртқы істер министрі Қанат Саудабаев, “Нұр Отан” ХДП Төрағасының бірінші орынбасары Нұрлан Нығматулин, Қазақстан Республикасы Президенті Әкімшілігінің Басшысы Аслан Мусин болды. Елбасы бастаған делегацияны Ақтөбе халықаралық әуежайында облыс әкімі Елеусін Сағындықов қарсы алды.
Жаңа өнімдерге сұраныс көп
Президенттік кортеж әуежайдан бірден өңір экономикасының дамуына тың серпін беріп отырған іргелі кәсіпорындардың бірі – “Ақтөберентген” акционерлік қоғамына ат басын тіреді.
“Ақтөберентген” акционерлік қоғамы директорлар кеңесінің төрағасы Рахымжан Исмағамбетов Елбасын кәсіпорынның бүгінгі тыныс-тіршілігімен және осында соңғы кездері шығарыла бастаған жаңа өнімдермен таныстырды. Ол Нұрсұлтан Әбішұлына “Арман-2” және “Арман-32” флюрографиялық қондырғысын көрсетті. Одан кейін жаңа құрастырылып жатқан компьютерлік томограф жанына тоқталып, осы заманғы озық медициналық қондырғының артықшылықтары мен тиімділігі туралы әңгімеледі.
Акционерлік қоғамның құрылтайшысы “АРСНО” ЖШС екені белгілі. “Ақтөберентген” АҚ елімізде медициналық және өнеркәсіптік рентгендік аппаратын өндіретін жалғыз кәсіпорын болып табылады. Мұнда алып жүрілетін және жылжымалы рентгендік диагностикалық және флюрографиялық аппараты, сонымен қатар дәнекерлеу жалғамаларының дефектоскопиясы үшін стационарлық және жылжымалы өнеркәсіптік аппаратын шығарады.
Кәсіпорын шығаратын 28 түрлі рентген аппаратын әлемнің жиырма үш елі пайдаланады. Олар ТМД елдерінде және шетелдерде үлкен сұранысқа ие болып отыр. Мұнда ресейлік әріптестермен үш бірлескен кәсіпорын құрылған.
“Ақтөберентген” АҚ шығаратын өнімнің ассортиментін және сапалық өлшемдерін кеңейте отырып, инновация саласына елеулі көлемде қаражат бөлуде. Қазақстан Республикасының Үдемелі индустриялық-инновациялық даму бағдарламасы аясында кәсіпорын өз қаражаты және “Қазақстан Даму Банкі” АҚ несиесімен қаржыланатын 16 қиықты осы заманғы компьютерлік томографтар өндіру жобасын жүзеге асыруда. Бұл жоба “General Electrіc Healthcare” (АҚШ) компаниясымен бірге ТМД елдері аумағында бірінші рет қолға алынып отыр.
Өндірісті технологиялық жарақтандыру, өндірістің мәдениеті мен қауіпсіздігі “GE Healthcare”-нің барлық талаптарына сай келетін дайындық жұмыстары жүргізілді. Маусым айында компьютерлік томографтарды құрастырудың бірінші кезеңі жүзеге асырылды. Өндірістік желінің жоспарланған қуаттылығы жылына 28 компьютерлік томограф шығаруға мүмкіндік береді, бағасы осындай шетелдік қондырғыларға қарағанда 30 пайызға төмен. Компьютерлік томограф өндірісі үшін осы заманғы аса жоғары технологиялық медициналық техника өндірілетін жалпы алаңы 900 шаршы метр №3 жаңа құрастыру цехы құрылды.
Жобаның іске асырылуы осы заманғы медициналық рентгендік аппаратпен денсаулық сақтау жүйесі мекемелерін қамтамасыз ете алады. Кәсіпорын өнімдері Қазақстан, Ресей және тағы басқа ТМД елдеріне өткізілетін болады. Мұнда қазірдің өзінде 197 адам еңбек етеді, орташа айлық жалақы – 73500 теңгені құрайды.
Осында қойылған стендтер мен макеттер алдында Елбасы Нұрсұлтан Назарбаевқа облыстың Индустрияландыру картасы туралы облыс әкімінің орынбасары Роза Кемалова баяндады.
Өңірде республикалық Индустрияландыру картасына енгізілген он екі жоба болса, облыстың Индустрияландыру картасы аясында 36 жоба жүзеге асырылатын болады. Солардың арасында республикалық Индустрияландыру картасына енген жобаларды “Ақтөберентген” акционерлік қоғамы, “АЙС” ЖШС, “Ақтөбе мыс компаниясы” ЖШС жүзеге асыруда және облыстық деңгейдегі “Ситал”, “Восход Ориел”, “ҚазақОйлАқтөбе” ЖШС және басқа кәсіпорындар өңірдің қарқынды дамуына серпін беретін болады. Облыста 2020 жылға дейін жалпы сомасы 1,8 триллион теңге болатын 134 инвестициялық жоба жүзеге асырылады. Үстіміздегі жылы жалпы сомасы 143,9 миллиард теңге болатын 43 үдемелі инвестициялық-инновациялық жоба іске қосылады. Облыста үстіміздегі жылдың сегіз айында 578,7 млрд. теңгенің өнеркәсіп өнімдері өндірілді. Жалпы көлем индексі 112 пайызды құрады. Мемлекеттік үдемелі индустриялық-инновациялық даму бағдарламасы аясында жалпы сомасы 1,0 трлн. теңге болатын 84 жоба жүзеге асырылуда.
Есепті кезеңде 54,7 млрд. теңге болатын 18 жаңа нысан пайдалануға берілді. Негізгі капиталға салынған инвестиция көлемі 6,7 пайыз өсті. Осы кезге дейін 218,5 мың шаршы метр тұрғын үй пайдалануға берілді. Облыстың сыртқы сауда айналымы 4414,5 млн. АҚШ долларын құрады. Шағын және орта бизнес нысандары 2,4 пайыз, оларда жұмыс істейтіндер саны 2,0 пайыз, ал шығарған тауарлар мен көрсеткен қызметтері 6,9 пайыз өсті. Сондай-ақ бюджетке түсетін төлемдер мен салықтар артты. Ауыл шаруашылығын дамытуға 5,8 млрд. теңге бағытталды.
Облыстағы қоғамдық-саяси тұрақтылыққа экономиканың қарқынды дамуымен бірге, “Нұр Отан” ХДП облыстық филиалының, белсенді жұмыс істейтін үкіметтік емес ұйымдар мен 8 этно-мәдени орталықтың ықпалы зор.
Елбасы көңіл аударған инвестициялық жобалардың қай-қайсысы да өңір үшін маңызды. 110 сиырға арналған тауарлы-сүт фермасын салып жатқан “АЙС” ЖШС жоба іске қосылғанда облысты сүт және сүт өнімдерімен толық қамтамасыз ететін болады. 23,3 миллион АҚШ доллары көлемінде инвестиция тартылған “Парижская коммуна” ЖШС-ның мал шаруашылығы кешені жылына 40 мың шошқа өсіруге, 3200 тонна шошқа етін өндіруге бағытталған. Елбасы болашақта жүзеге асырылатын жобаларға жататын “Жаңажол ГТЭС-і”, “Батыскалий” ЖШС, “Қандыағаш ГТЭС-100”, “ҚазақОйлАқтөбе” ЖШС сияқты кәсіпорындардың өндірістік негіздемелерімен танысты.
Партиялық оқу орталығы ашылды
Елбасы “Нұр Отан” ХДП Жоғары партия мектебінің Ақтөбе аймақтық орталығына келді. Осы жылдың мамыр айында партия Төрағасы Нұрсұлтан Назарбаевтың тапсырмасы бойынша “Нұр Отан” ХДП-ның Жоғары партиялық мектебі ашылған болатын. Мектептің ашылуы партия өміріндегі маңызды оқиғалардың біріне айналғаны белгілі. Бұл кадрларды партия жұмысының заманауи сипаты мен тәсіліне оқытатын бірегей орталық құруға мүмкіндік берді. Өңірлердің ішінде алғашқы болып Ақтөбе қаласында “Нұр Отан” ХДП Жоғары партия мектебінің аймақтық орталығы өз есігін айқара ашты. “Нұр Отан” ХДП Ақтөбе филиалының ғимараты төрт қабатты, жалпы аумағы 4781,70 шаршы метрді құрайды. Ғимарат 2008 жылы қайта өңдеуден өткізілді. Осында 2008 жылдың қыркүйек айында Қазақстан және Ресей елдері президенттерінің қатысуымен шекаралас аймақтардың бесінші форумы болып өтті. Ғимаратқа жөндеу жұмыстары жүргізілді. Жалғап салынып жатқан 3 қабатты ғимараттың жалпы аумағы 4347, 17 шаршы метрді құрайды. Оның бірінші қабатында екі оқу аудиториясы, екі компьютер класы, екі акт залы, асхана орналасады. Екінші қабатында 350 орынға арналған алты оқу аудиториясы мен мәжіліс залы болады, үшінші қабатта тағы да алты оқу аудиториясы орналасады. Партия Төрағасы Нұрсұлтан Назарбаев мектеп филиалының материалдық-техникалық базасымен танысты, кітапхананы көрді. Содан кейін Ақтөбе, Атырау, Батыс Қазақстан және Маңғыстау облыстарынан келген бастауыш партия ұйымдары төрағаларымен, Ақтөбе бөлімшесінің жұмысшыларымен және облыстың партия активімен кездесті. Олар бұл жолғы семинардың алғашқы тыңдаушылары болды десе де болады.
Кездесуге қатысушылар алдында сөз алған Нұрсұлтан Әбішұлы партияның өткен съезінде бастауыш ұйымдардың беделін барынша көтере отырып, елдің ертеңіне, халықтың мақсат-мүддесіне қызмет ететіндей кадрлық саясат ұстануға тапсырма берілгенін жеткізді. Нұрсұлтан Назарбаев 2020 жылға арналған Стратегиялық даму жоспарын орындау барысында партия қызметкерлері мен белсенділері үшін жергілікті жерлерде қазақстандықтарды қоғамды дамытуға жұмылдыру айрықша маңызды екендігін атап өтті.
– Елмен және халықпен жұмыс істеу демократиялық елде оңай емес, басқалар қалай жұмыс істеу керек екенін білуіміз керек, жаңа саяси технологияларды үйренуіміз қажет. Жалпы, партияда жұмыс істеп жүрген кадрлардың, оның ішінде бастауыш ұйымдар төрағаларының дәрежесі биік болмаса халықпен жұмыс істеу қиын. Қандай мәселеге де халықтың мүддесінен келу керек. Халықты толғантқан барлық мәселелерді оң шешуге ұйтқы болу қажет. Кадрларды оқыту үшін саясаттану жағынан ғылыми білімі бар ғалымдарды тартуымыз керек. Тәуелсіздігін жаңа ғана алған елдер үшін биліктің партиясы болуы әлемдік тәжірибеде бар. Жапонияда, Сингапурда, Малайзияда солай болған. “Нұр Отан” ХДП – халықтың партиясы. Таяудағы 40-50 жылда елдегі тұрақтылық пен бірлікті қамтамасыз етіп, сайлауларда жеңіске жетуі тиіс, – деді Елбасы.
Партиялық оқу жүйесінде кәсібилікті тұрақты көтеру тәртіпке айналуға тиіс, ал партия өз кадрларының интеллектуалдық және қызметтік өсуіне барлық жағдайды жасауы керек. Елбасы партияның жаңа Бағдарламасын да назардан тыс қалдырмады. Оның мақсат-міндеттері Қазақстанның 2020-шы жылға дейінгі стратегиялық даму мақсаттарымен үйлесетінін атап өтті. Онда алдағы 10 жылда “Нұр Отан” партиясы жалпы қоғам мен қолдаушылар алдына ұсынғалы отырған саяси бағыт анықталған.
Ақтөбе мемлекеттік педагогикалық институтының ректоры Ғалымжан Нұрышев елдегі барлық игіліктердің бәрі Елбасының сындарлы саясатынан бастау алатынын жеткізді. Өркениетті елдердің өзімен терезесі тең дәрежеде тұрған Қазақстанның бүгінінен ертеңі ажарлы болатынына Президент жүргізіп отырған сарабдал саясаттың берік негіз қалап отырғанын ерекше атап өтті. “Ақтөбе мыс компаниясы” ЖШС бастауыш партия ұйымы атынан сөйлеген Александр Кошик, Маңғыстау облыстық туризм, дене тәрбиесі және спорт бастауыш ұйымының өкілі Рущаня Елизарьева да еліміздегі саяси тұрақтылықтың, береке бірліктің және экономикалық дамудың берік тұғырын қалап отырған Елбасының сарабдал саясаты деген пікірлерін ортаға салды. Нұрсұлтан Назарбаевқа жергілікті жерде біліктілікті көтеретін, еліміздің дағдарыстан кейінгі жаңаруында аса қажет кәсіби және теориялық білім беретін оқу орталығының ашылғанына өз ризашылықтарын білдірді.
Сонымен қатар нұротандықтар Мемлекет басшысын алдағы 10 жылдықтың ауқымды міндеттерін жүзеге асыруға, сондай-ақ алдағы ЕҚЫҰ Саммиті мен Тәуелсіздіктің 20 жылдығы сынды мемлекеттік және халықаралық маңызды оқиғалардың дайындығы және өткізу жұмыстарына өз үлестерін қосуға әзір екендіктеріне сендірді. Елбасы тапсырмасы бойынша осындай оқу орталықтары тағы да үш аймақта ашылатын болады.
Жастардың бастамасы жалғасын табады
Мемлекет басшысы кортежі мерекедегідей безендірілген облыстық әкімдік алдындағы алаңға бет түзеді. Қаланың басты алаңы түрлі-түсті банерлермен, транспаранттармен және желбіреген жалаулармен безендірілгендіктен, қызылды-жасылды сәулелермен астасқан теңіздей толқиды. Жастардың көңілді дауыстарынан күзгі аспанның ауасы жаңғырығады. Елбасы Нұрсұлтан Назарбаев бастаған делегация мүшелері Әбілқайыр хан ескерткішінің алдына қойылған сахна төріне көтерілді.
Осында Нұрсұлтан Әбішұлы Ақтөбе облысының нұротандықтары бастаған және бүкіл ел жастары қолдаған “Ауылдың өркендеуі – Қазақстанның өркендеуі” атты марафон эстафетасының қорытындысы бойынша облыс жастарының слетіне қатысты. Шалғайдағы елді мекендерді абаттандыру, әлеуметтік мекемелердің құрылысы мен оларға жөндеу жасауға негізделген ақтөбелік жасотандықтардың бастамасы тек жастардың емес, Мемлекет басшысы Нұрсұлтан Назарбаев тарапынан да қолдау тапқан болатын. Оң бастама көп ұзамай өз нәтижесін көрсетіп, республика жастарының кең ауқымды акция-эстафетасына айналды. Тек біздің облыстың өзінде студенттер мен құрылыс жасағы жалауы астында 70 мыңнан астам жастар бірікті.
Акция мүшелері 380 ауылдық округті көркейтуге қатысып, ондағы 300 саябақ, скверлерді, 3300 көше және аллеяларды тазартып, 230 ашық спорт кешендерін және 800 әлеуметтік нысандарды қайта жөндеуден өткізіп, көркеюіне үлес қосты. Сондай-ақ 1650-ден астам жиналған қоқысты жойып, 20 мың тоннадан астам қатты тұрмыстық қалдықтарды шығарды, 300 мыңнан астам жасыл желек отырғызды.
Нұрсұлтан Назарбаев акция белсенділерін құттықтап, қысқаша сөз сөйледі.
– Қазақстан – біздің еліміз, сіздердің еліңіз, ертеңгі күнгі балаларыңыздың елі, сондықтан біздің елді мекендеріміздің таза болып, сәулеті мен көркі келісті болса, ақтөбелік жастардың “Ауылдың өркендеуі – Қазақстанның өркендеуі” атты бастамасы еліміздің барлық аймағында қолдау табуының арқасы, 600 мыңға жуық жастар елді мекендерді көгалдандыруға қатысты, бұл жастардың патриоттық сезімін қалыптастырудың бір үлгісі болды. Бұл бастаманы алдағы жылдары да жалғастыра беріңіздер, мұның бәрі де болашақ үшін жасалып жатқан шаруа. Бүгінгі мерекелік сәтте сіздерді құттықтау үшін арнайы келдім. Елдің болашағы өздеріңізсіздер, осылай еңбектің дәмін татып, адамгершілік қасиеттерді бойларыңызға сіңіре беріңіздер, – деді Елбасы.
Президент Нұрсұлтан Назарбаев марафон акцияға белсене қатысып, өнімді еңбек еткен №32 мектеп гимназиясының 10 сынып оқушысы Нұрсұлтан Досекешовке, Ақтөбе көлік, коммуникация және жаңа технологиялар колледжінің оқушысы Ольга Ганинаға және №30 орта мектептің оқушысы Жармағанбетовке автокөлік кілттерін тапсырды.
Акция-марафонға қатысушылар атынан сөз алған №32 орта мектеп-гимназиясының 10 сынып оқушысы Нұрсұлтан Досекешов жастардың бастамасына ұдайы қолдау көрсетіп келе жатқан Елбасына алғыс сезімін білдірді. Ата-анасының Елбасындай азамат болсын деп өзінің есімін Нұрсұлтан қойғанын мақтанышпен жеткізді. Ақтөбе көлік, коммуникация және жаңа технологиялар колледжінің 2 курс оқушысы Ольга Ганина Елбасына жастардың білім алуына, кәсіби мамандыққа ие болуына және азамат болып қалыптасуына жасалып отырған қамқорлық пен көрсетіліп отырған сенімге ризашылығын білдірді. Оған өздерінің жақсы оқумен және тәртібімен жауап беретіндіктеріне сендірді.
Сәулеті келіскен саябақ
Одан кейін Мемлекет басшысы Орталық мәдениет және демалыс саябағын аралап көрді. Ақтөбеліктер мен қала қонақтарының сүйікті орнына айналған саябақ жуырда ғана қайта жөндеуден өткен еді. Саябақ аумағы 42 гектарды құрайды, көгалдандыру жұмыстары жүргізіліп, жаяу жүргіншілер үшін жолдар салынған.
Саябақтың орталық алаңындағы қорғанда биіктігі 91 метр тутұғыр орналасқан. Тутұғыр негізін Қазақстан Республикасының мемлекеттік рәміздерімен безендірілген барельеф құрайды.
Елбасы суретшілер жанына аялдап, олардың туындыларына назар аударды. Жасанды су айдынындағы судомодельшілердің жұмыстарын тамашалады. Балалардың ойын қалашығында болды. Бұқаралық ақпарат құралдары өкілдерінің сұрақтарына да жауап берді. Елбасы Ақтөбеге жыл сайын келетінін айтып, қаланың жаңарып, жасарып келе жатқанын айрықша атап өтті. Ақтөбенің еліміздегі үздік қалалар қатарына жататынын айтты. Ал осы саябақты Сіздің атыңызбен атауға қалай қарайсыз деген сауалға мүдірместен ондай бастаманың көңіліне қонбайтынын жеткізді. Атын атап, түсін түстемей-ақ еліміздің Тұңғыш Президенті атындағы десе қарсылығы жоқтығын білдірді. Нұрсұлтан Әбішұлы саябақтың жарақтандырылуы мен жасануына көңілі толды.
Журналистердің сұрақтарына жауап бергенде Елбасы өңірдегі индустриялық-инновациялық жобалардың іске асырылу барысына риза екендігін айтып, облыс әкімінің жұмысына жақсы деген баға берді.
Сатыбалды СӘУІРБАЙ, Суреттерді түсіргендер С.БОНДАРЕНКО, Б.ОТАРБАЕВ.
