Елдік мүддеге адалдық

Еліміз егемендік алған күннен бас­тап, Қазақстан Республика­сы­ның Тұңғыш Президенті Н.Ә.На­зар­баев халқымыздың әл-ауқаты мен еліміздің әлеуетін арттыруға үл­кен мән беріп келеді. Сонымен бір­ге, ұлтаралық бірлік пен ын­ты­маққа әркез айрықша назар ау­да­рып, береке бастауының мықты болуын қадағалаудан шаршаған емес. Шынында да, кез келген елдің гүлденіп, өркениетті елдер қата­рына қосылуы үшін бірінші ке­зекте бірлік пен ынтымақ керек екендігі айтпаса да түсінікті. Сон­дықтан ата-бабаларымыз ерте за­маннан-ақ елді бірлікке шақы­ру­дан танбаған. Біз бүгінде ата-бабаларымыздың өсиетіне адалдық танытып келеміз. Біздің аудан халқы еліміздегі басқа аудандар тұрғындары саны жағы­­нан ең көп екендігі белгілі. Ауда­ны­мызда 300 мың­дай халық тұра­ды. Береке-бір­лікті негіз тұтқан 50-ден астам ұлт өкілдері мекен етеді. 5 этно­мәдени бірлестік жұмыс іс­тей­ді. Олар ау­данда өткізілетін әр алу­ан іс-ша­ра­ларға белсене атса­лысып, аза­мат­тық бағыт-бағдарына сай адал­дықтың үлгі-өнегесін көрсетуде. “Нұр Отан” ХДП Мақтаарал аудандық филиалы бүгінде Елбасы Н.Ә.Назарбаевтың “Қазақстан-2030” стратегиялық бағдарлама­сы­нан туын­­дайтын келелі міндеттер­ді шешуге өз үлесін қосу үстінде. Мә­се­лен, “Жол картасы” бағдар­ла­ма­­сы­­­на сәйкес бір­­қатар істерге ат­­са­лы­­­­сып  үлгерді. Осы бағ­­­дарла­ма­­ға сай ау­дан­да 4 орта мек­теп, 4 ау­рухана, 7 жол, “Та­за су” бағ­дар­ла­ма­­сына орай 43 ауыз су жүйесі жо­баға ен­іп, аяқталған құры­лыс ны­сандары ел игі­­лігіне жұмыс жасауда. Соңғы жылдары “Нұр Отан” ХДП жұ­­­мы­сына халықтық си­пат беру мақса­тын­да бақылау бе­кет­тері құрылып, тиімді істер атқаруда. Атап айт­қан­да, “Нұр Отан” ХДП Ор­та­лық аппа­ра­тының жұмыс кес­тесіне сәйкес аудан­дық бақылау ко­­­мис­сиясының кеңейтілген мәжі­­лісі болып өтті. Оған “Нұр Отан” ХДП облыстық фи­лиа­лы төрағасының бі­рінші орынбасары Ұ.Сә­ді­беков, об­лыс­­тық фи­ли­алдың пар­тия­лық ба­қылау ко­мис­сия­сы­ның төра­ғасы Ш.Жа­мал­беков, “Нұр Отан” ХДП ау­дандық, қа­ла­лық фи­­ли­алдары төр­аға­ла­ры­ның бірінші орынба­сар­лары мен партия­лық бақылау ко­мис­сия­­ла­рының төр­а­ға­лары, аудан әкімі Се­рік Тұрбеков, мәсли­хат де­путатта­­ры, мер­­ді­гер мекемелер мен қоғамдық ұйым­дар басшылары жә­не пар­тиялық бақылау бекетте­­рінің төрағалары қатысты. Мәжілісте “Жол картасы” бағ­дар­­­ламасының орындалу барысы жайлы аудан әкімінің есебі тың­дал­ды және жан-жақты талқы­лан­ды. Сонымен бірге, аудандық фи­лиал партиялық бақылау комис­сия­­­сы­ның төрағасы Н.Әліпбеков­тің “Жол картасы” бағдарламасы аясында са­лынып жатқан нысан­дарға бөлінген мемлекет қаржы­сының мақсатты жұмсалуы және құрылыс жұмыс­тарының сапалы жүр­­гізілуі жөнінде ақпары тыңдалды. Сондай-ақ аталған бағдар­ла­ма­ның орындалуы бойынша ат­қа­рылған жұмыстар сараланып, сын­дар­лы баға берілді. Сынау ғана емес, орын алған кемшіліктерден қорытынды шығару, олқылық­тар­ды болдырмау жолдары іздестірілді. Бір айта кететін жәйт, нұротан­дықтар саламатты өмір салтын насихаттауға тиянақты көңіл бөліп келеді. Соның бір дәлеліндей, жу­ырда облыстағы партия филиалд­а­­­ры командалары арасында волей­бол­дан жарыс ұйымдастырылды. Жа­рыс қызықты өтті. Нәтижесінде Түл­кібас ауданы партия филиа­лы­ның командасы бірінші орынды иеленді. Екінші орынға Мақтаарал, үшінші орынға Шымкент қаласы партия филиалдарының волейбол­шы­лары көтерілді. “Нұр Отан” ХДП аудандық фи­лиа­лы, сонымен бірге, “Әлеуметті қол­дау – әлеуетті қолдау” қам­қор­лық акциясын тыңғылықты өткізді. Асыраушысы жоқ жалғызілікті қа­рияларға, әлжуаз отбасылары мен ата-ана қамқорлығынан айрылған ұл-қызға ұн, макарон, май өнімдері таратылды. Аудандық филиал тізгін болған осынау шара жергілікті кент­тер, ауыл әкімдіктерінде жалғасты. Әрине, мұндай шараларға іскер аза­маттар қолұшын беріп жатса, нұр үстіне нұр екендігі баршаға аян. Мы­салы, қамқорлық көрсету акциясына “Нұр-Ел” қоғамдық қо­ры­ның пре­зиденті, қоғам қайрат­ке­рі Оңалбай Аяшев басты демеуші болды. Бүгінде “Нұр Отан” ХДП ау­­дандық филиалы игілікті істердің басы-қасында жүр. 10 мыңға жуық мүшесі бар, 27 бастауыш, 227 пар­тиялық топқа біріккен іргелі ұйым алдағы уақытта да елдік және бір­лікке бастайтын іс-шараларға ұйыт­­­қы бола бермек. Әбдіманап БАЙДУЛЛАЕВ, “Нұр Отан” ХДП Мақтаарал аудандық филиалы төрағасының бірінші орынбасары. Оңтүстік Қазақстан облысы.