Өңірлік қауіпсіздікті қамтамасыз ету үшін

Жақында Вашингтонда Қазақстан Республикасының АҚШ-тағы Төтенше және өкілетті елшісі Ерлан Ыдырысов пен АҚШ Мем­лекеттік хатшысының әскери-саяси мәселелер жөніндегі көмекшісі Эндрю Дж. Шапиро қазақстандық-америкалық әуе транзиті туралы келісімге қол қойды. Бұл құжат АҚШ-тың Қазақстан әуе кеңістігі арқылы Ауғанстандағы аме­рикалық және коалициялық күш­терге қолдау көрсету үшін пер­­соналдар мен жабдықтарды тасы­мал­дауды жүзеге асыруға мүмкіндік береді. Аталған келісімге Қазақстан Пре­­зиденті Нұрсұлтан Назарбаев пен АҚШ Президенті Барак Об­а­­­ма­ның 2010 жылғы 11 сәуірде Ва­шингтон­дағы кездесуі барысында қол жеткі­зіл­ген уағдаластыққа сәй­кес қол қо­йы­лып отыр. Оның түп негізінде екі елдің өңірлік қауіп­сіз­дікті қам­та­­­ма­­сыз ету және Қа­зақ­стан мен АҚШ-тың стратегиялық әріптестігі жатыр. Осы келісім АҚШ және оның халықаралық күштер бойынша әріптестеріне Ауғанстан халқы мен үкіметіне қажетті тауарларды, пер­соналдар мен жабдықтарды жет­кізуде уақытты қысқартуға, сондай-ақ негізгі көлік маршруттарын ке­ңейтуге мүмкіндік  береді. Осыған байланысты Қазақстан Ауғанс­тан­дағы радикалды экстремизмді жою­ға бағытталған халықаралық күш­тер­ге қолдау көрсетеді, Ауған­стан­дағы және өңірдегі қауіпсіздікті қам­тамасыз етуге үлес қосады. Өйт­кені, Ауғанстандағы соғыс пен тұрақсыздық бүгінде өңірлік және жаһандық көлемде қатер туғызып отыр. “Егемен-ақпарат”.