Өңірдегі оңтайландыру қалай жүргізіледі?

Сіз не дейсіз? Елбасы мемлекеттік бюд­жет пен Ұлттық банктің сме­тасынан қаржылан­ды­ры­ла­тын органдардың штаттық санын оңтайландыру туралы Жарлыққа қол қойды. Ол қараша айынан бастап кү­ші­не енді. Мемлекеттік қыз­меткерлер осыған байланысты бір ай алдын ала хабарланды­рыл­ған. Реформа нені көздейді және қалайша жүзеге асы­ры­лады? “Егемен Қазақстанның” Ақмола облысы бойынша тілшісі Бақберген АМАЛБЕК Мемлекеттік қызмет істері жөніндегі агенттігі облыстық басқармасының бастығы, тәртіптік кеңес төрағасы Тоқтамыс Жұмағұловқа: – Сіз бұған не дейсіз? – Мемлекеттік қызмет өзі­нің құрылымдық жүйесі мен логикасына сәйкес үнемі даму үстінде болуға тиісті. Уақыттың өз­геруі мен өскелең талаптары алдымызға жаңа міндеттер қою­да. Сондықтан, мемлекеттік қыз­метті реформалау немесе оның дамуы тұрақты сипаттағы үдеріс. Қазақстанда 2007 жыл­дың 1 қаңтарынан бастап мем­лекеттік аппарат қызметін же­тіл­діру арқылы адамдар өмірінің сапасын арттыруға негізделген кезеңдік әкімшілік реформа іске асырылуда. Оның негізгі бағыт­тары мемлекеттік қызмет көр­се­тудің стандарттарын талдау және енгізу, мемлекеттік бас­қару құрылымдарын жетілдіру, оның тиімділігін арттыру, ең­бек­ақы мен әлеуметтік төлем­дер­дің кепілдігін қамтамасыз ету, сонымен бірге, мемлекеттік қызметкерлер санын оңтайлан­дыру (қазіргі жағдайда 15 пайыз) болып табылады. Жарлықты орындау арқылы, құқық қорғау және сот органдарын қосып есеп­тегенде, республикамызда 26 мың адам қысқартылып, 2011 жылы 18,6 миллиард теңге бюд­жет қаржысы үнемделеді. Облыстағы мемлекеттік қыз­меткерлердің саны (құқық қор­ғау және сот органдарын қос­пағанда) 6934 бірлікті құрайды. Оның ішінде 500-дейі ваканттық лауазымдар. 15 пайызы – ша­мада 1000 бірлік. Бірінші кезек­те қысқартуға бос орындар тар­тылатынын ескерсек, онда қыс­қартуға ілінетіні – 500 қыз­мет­кер. Жарлық талаптары өзге бюд­жеттік мекемелердің қыз­мет­керлерін қамтымайды. Қысқарту қолданыстағы заң­намаларға сай жүргізілуде, яғни ешкімге артықшылық беріл­мей­ді. Мәселен, жас маманға жүк­телген лауазым қысқартылатын болса, ол – қысқартылады. Үш жылдан кем емес жұмыс өтілі барларға төрт айлық еңбекақы кө­лемінде өтем төленеді, қал­ған­дары жалпы негізде боса­ты­лады. Ал, жүкті және бала кү­тіміне байланысты демалыстағы әйелдер қысқартуға жатпайды. Бұған қосып айтарым, ауылдық әкімдік аппараттарын оңтай­лан­дыру қарастырылмаған. Есесіне, қалалық және аудандық әкім­дік­тердегі 2-4 адамнан тұратын дербес бөлімдердің тиімділігі туралы ойланып көрген жөн. Әрине, кез келген оңтай­лан­дыру мемлекеттік қызметкердің мүддесіне әсер ететіні белгілі. Бірақ, еңсені түсірудің қажеті жоқ. Жағдайды мұқият талдап, жұмыс өтілі мен іскерлігін, ма­ман­дығын ескеріп, басқа меке­мелерге жұмысқа тұруға, ең­бекке орналастыру бөлімдеріне ха­барласуға, өз ісін ашуға тыры­су қажет. Облысымызда өзін-өзі танытудың барлық мүмкін­дік­тері бар деп есептеймін. Ақмола облысы.