Әскери бөлімдерде болды

Қорғаныс министрі Әділбек Жақсыбеков Семей гарнизо­ны­ның құрамалары мен бө­лім­дерінде жұмыс сапарымен бол­ды. Мұнда аталмыш ведомство басшысы қару-жарақ пен әс­кери техниканың күтіміне, олар­ға жүргізіліп жатқан жөн­деу жұмыстарына, сақтау қой­маларының әзірлігіне, жалпы “Шығыс” өңірлік қолбасшы­лы­ғы­ның қысқа дайындығына айрықша назар аударды. Бірнеше бөлімдердің әс­ке­ри-техникалық паркінде болған Әділбек Жақсыбеков 30217, 44793 әскери бөлімдері жеке құрамының жұмыстарына оң баға беріп, командирлеріне алғыс жариялады. Содан кейін әлеуметтік нысандарға да назар аударды. 2011 жылы Семейде әскери қызметшілер үшін 60 пә­терлі екі тұрғын үй мен ша­ғын отбасылық екі жатақхана пайдалануға берілмек. Осы құрылыстардың жағдайын тал­­дап сұрады. Жұмыс сапары барысында Қорғаныс министрінің жетек­ші­­лі­­гімен 2010 жылдың қоры­ты­н­дысы шығарылды. Ондағы жиын соңында ведомство бас­шысы Қарулы Күштер үшін “Шы­ғыс” өңірлік қолбас­шы­лы­ғының маңыздылығын атап өтті. – Бұл жерде кез келген уақытта елімізді қорғауға әзір тұрған ұрысқа қабілетті бөлім­шелер орналасқан. Өңірлік бас­шылығы мен бөлім коман­дир­лері тарапынан көп жұ­мыс­тар атқарылғаны көрініп тұр, – деді. Қорғаныс министрі әскери құрамалар мен бөлімдерде жау­ынгерлік дайындықты арттыр­ғаны үшін “Шығыс” өңірлік қол­басшылығы әскерлерінің қол­басшысы генерал-майор Ва­силий Рысбаевқа ризашы­лы­ғын білдірді. Оксана Парпура, Қорғаныс министрлігі баспасөз қызметінің өкілі.