Отандық фармакопея халықаралық стандартқа сай болмақ

Алматыда  Дәрілік құралдарды, медициналық мақсат­тағы бұйымдарды және медицина техникасын сараптау Ұлттық орталығының сынақ орталығында   Қазақстан мен АҚШ   Фармакопеялық конвенциясымен үйлесімді қатынас­тар орнату туралы келісім-шартқа қол қойды. Американың USP президенті, доктор Роджер Уильямс пен  Денсаулық сақтау министрлігі медициналық және фармацев­тикалық қызметті бақылау комитеті төрағасының орынба­са­ры Лариса Пак қол қойған бұл маңызды құжат  – денсаулық сақ­тауды халықаралық деңгей­де нығайтуға ықпал етудегі меже болып табылмақ.  Ұсыныл­ған фармакопеялық орталықпен келісім жүзінде  ғылыми алмасу – Қазақстан азаматтарына ға­на емес, сондай-ақ өз өнімдерін басқа елдің саудасына шығару­ды қалайтын қазақстандық фар­мацевтикалық өндіруші­лерге де пайдалы. Мемлекеттік фармакопея (МФ) – ол дәрілік құралдардың сапасы мен қауіпсіздігінің тәр­тіп­терін белгілейтін стандарттар мен ережелердің жинағы. Отанымыздың МФ-сы   өз аза­мат­тарына кепілдік беретін ең аз рұқсат етілетін сапа деңгейін ұсынады. Онымен қамтамасыз ету мәселесі ұлттық денсаулық сақтау ұйымдары үшін де, бүкіл дүниежүзілік фармацевтикалық қауымдастық үшін де маңызды мүддеге ие. Іс-шара аясында дәрілік құралдар сапасын қамтамасыз ету және фармакопеялық талап­тарды үйлестіруге атсалысу сала­сындағы сапа, тазалық, дә­рі­лердің түпнұсқалығы мен тиімділігін бірге пайдалану тура­лы екіжақты ынтымақтастық жос­парланды.   Осы келісімшарт бойынша фармакопеялық орталық 5 жыл бойына Ұлттық формуляр (USP-NF) – АҚШ фармакопеясынан құжатталған стандарттарды отандық фарма­копеяға қосу және арнайы ма­ман­дандырылған журналда басу құқығына ие болды. Стан­дарттар толық көлемде іске қосылып, сондай-ақ фармако­пеялық орталықтың талап­тары­на сай келуге бейімделеді. Ал USP-ға келсек,  дәрілік құралдардың, тамақтану өнім­дері мен емдік қоспалардың сапасы, түпнұсқалығы, тазалы­ғы және тиімділік стандарт­тарын белгілейтін коммерция­лық емес ғылыми ұйым болып табылады. Дәрілік құралдарға арналған USP стандарттары АҚШ-тың тамақ өнімдері мен дәрілік құралдардың сапасын қадағалау жөніндегі  басқар­ма­сы (FDA) арқылы заңнамаға енгізілген. USP-NF – сапа стандарт­та­рын пайдалану мүмкіндігі Қа­зақстан   халқының денсау­лы­ғын қорғауға қосылатын елеулі үлес.    USP-мен серіктестік Қа­зақстан фармакопеясы үшін дү­ние жүзінде мойындалған сапа стандарттарына жол ашады.  Фар­­макопеялық орталық USP-NF құжатталған стандарттарын пайдаланудан басқа, фармацев­тикалық өндірушілер мен рет­теу­ші ұйымдар дәрілік құрал­дар­дың сапасы мен түпнұсқа­лығын салыстырып тексеретін физика­лық және химиялық эта­лондар болып табылатын сәй­кес­ті стан­дарттық үлгілерді қол­дану мүм­кіндігін қарастырады. Гүлзейнеп СӘДІРҚЫЗЫ.