Біз сізбен біргеміз

Редакциямызға Шәкәрім атын­дағы Семей мемлекеттік университеті, Семей мемлекеттік пе­дагоги­калық инс­титуты, Қазақ инно­ва­циялық гу­манитарлық-заң уни­вер­си­теті­нің сту­­денттерінен хат келді. Жастар өз хат­тарында былай деп жазады: Аса құрметті Нұрсұлтан Әбішұлы! Сіздің даналық басшылығыңызбен ХХІ ғасырда Қазақ елі әлем танитын мемлекетке айналды. Оған тағы бір тарихи дәлел – асқақ Астана қаласын­да 2010 жылдың 1-2 желтоқсаны күн­дері өткен ЕҚЫҰ Cаммиті. Біздер, Семей қаласының студент жастары осы алқалы жиынды теледидардан кірпік қақпай зор ынтамен көріп-тыңдадық. Шындығын айту керек, Сіздің жер-жаһаннан келген әлем­нің алпауыт елдерінің басшы­ларын қабылдауыңыз, ЕҚЫҰ Cаммитін бас­қару мәдениетіңіз біздің жүрегімізге нұр құйып, көңілімізді шабыттан­дырды. Біздер, жастар Сіздің әлемдік аренадағы даналық саясатыңызды мақ­тан тұтамыз, Сізге қарап бой түзейміз. Еуроатлантика және Еуразия ау­мағын бөлмей, төрткүл дүниені тұтас бірлікте қарайтын терең та­нымды идеяңызды қолдаймыз. ЕҚЫҰ Cам­митінде Астана Декларациясының қа­был­дануын барша қазақстандықтар­дың жетістігі деп түсінеміз. Адамзат Сізге сеніммен қарайды. Алдағы жы­лы Ислам Конференциясы Ұйы­мын бас­қаруға шақыруы осының айқын дәлелі. Құрметті Нұрсұлтан Әбішұлы! Қа­зақ елінің, қазақ халқының, жалпы қазақ­стандықтардың абыройын асқақ­татқан тарихи ерлігіңізбен шын жү­рек­тен шық­қан құттықтауымызды қабыл алғайсыз. Біз, жастар, әрқашан Сізбен біргеміз!