Өзара түсіністік жалғастығы

Қазақстан Республикасы Парламенті Сенатының Төрағасы Қасым-Жомарт Тоқаев елімізге ресми сапармен келген  Ресей Федерациясы Федералдық Жиналысы  Федерация Кеңесінің төрағасы Сергей Мироновпен кездесті. Кездесу барысында  кешенді мемлекетаралық қатынастардың бәрі, оның ішінде парламент­ара­лық деңгейдегі үнқатысулар бой­ын­ша пікір алмасылды. Пар­ла­ментаралық байланыстарды да­мы­ту, тұтастай стратегиялық әріп­тестік және одақтастық қа­ты­настар тұрғысынан алғанда бұл сапардың маңызы жоғары. Өйт­кені, Ресей тарапымен ынты­мақ­тас­тықты нығайту еліміздің сырт­қы саясатында негізгі ба­сымдық болып табылады. Осы ретте Қасым-Жомарт Ке­мелұлы Қазақстан бастама­ларын тұрақты қолдағаны үшін Ресей жағына ризашылығын білдірді. ЕҚЫҰ-ға біздің төрағалығымыз ТМД-дан ұжымдық үміткер ретінде ұсы­ны­луымыздың арқасын­да болды және бұл тәсіл өзін ақтады. Сенат Төр­ағасы, сондай-ақ еліміздің алдағы жылы Ислам Конференциясы Ұй­ымына төр­ағалық ететінін де хабарлай кетті. Онда өркениет­аралық үн­қа­тысуды нығайтуда кон­фес­сия­аралық және дінара­лық толе­рант­­ты­лықты ілгерілету мәсе­ле­лері ерекше маңызға ие тақырып ретінде көтерілетін бо­ла­ды. ТМД, ҰҚШҰ, ЕурАзЭҚ және  Кеден одағы аясында өзара іс-қи­мыл мәселелері де әңгіме өзегіне айналды. Қ.Тоқаев заң шығару орган­да­рының ықпалдастық үдерістерін дамытудағы ерекше рөліне тоқ­та­ла келіп, былай деді: «Интеграция – жеңімпаздары мен жеңіл­ген­дері жоқ күрделі үдеріс, ол ке­зең-кезеңнен тұратын, халық­тар­дың мүдделері мен арман­да­рын ескере отырып, уағда­лас­тыққа қол жеткізетін қарбалас жұмыстар». *  *  * Сапар аясында кеше Сенатта Қазақстан Республикасы Парламенті Сенаты мен Ресей Фе­де­рациясы Федералды Жиналысы Федерация Кеңесінің арасын­да­ғы ынтымақтастық жөніндегі Пар­ламенттік топтың 4-ші оты­рысы болып өтті. Қасым-Жомарт Тоқаев пен Сергей Миронов қа­тысқан шараны Сенаттың Әлеу­меттік-мәдени даму комитетінің төрағасы Ақан Бижанов жүргізіп отырды. Ресейлік мейман Қа­зақ­стан тарапын ЕҚЫҰ-ға төр­аға­лықты және Астана Саммитін жоғары деңгейде өткізгендігімен құттықтады. Бұл дипломатия же­тістігінің шыңы дей келіп, С.Миронов осы ретте онда барша Қа­зақстан халқы мен оның бас­шы­сы Нұрсұлтан Назарбаевтың ерекше жеке үлесі бар екендігін жеткізді. Асқар ТҰРАПБАЙҰЛЫ.