Жарқын келешектің кепілі

25 желтоқсан күні Премьер-Министр Кәрім Мәсімов жұмыс сапарымен Маңғыстау облысына келді. Үкімет басшысы атбасын бірден мұнайшылар астанасы Жаңаөзен қаласына бұрды. Онда бірнеше әлеуметтік нысандардың тұсауын кесіп, қала жұртшылығы өкілдерімен кездесті. Премьер-Министр алды­мен мұнайшылар қаласының жаңа №6 шағын ауданындағы бір кешенге біріктірілген 50 пә­терлі төрт тұрғын үйдің пай­далануға берілу салта­на­ты­на қатынасты. Онда облыс әкімі Қырымбек Көшербаев қа­ладағы бюджеттік мекемелер, ардагерлер мен жас от­ба­сылары үшін салынған бұл нысанның Елбасы тапсыр­ма­сы­на орай Үкіметтің қолдауы­мен жүзеге асу үстіндегі Жаңа­­өзен қаласын 2009-2012 жыл­­дарға арналған әлеу­мет­тік-эко­но­микалық дамыту проб­лема­ларын шешу жөніндегі кешенді жоспарға сай жүзеге асқан­дығын және осы ауданның өзінде ондаған әлеуметтік ны­сандар бой көтеретіндігін жет­кізді. Одан соң Кәрім Қажым­қанұлы жаңа да жайлы пәтер­лер кілтін Ұлы Отан со­ғы­сы­на қатысушы, ардагер мұнай­шы Ж.Еркімбаевқа, дәрігер А.Пұсырмановқа, қалалық қор­ғаныс істері жөніндегі бө­лімнің бастығы Д.Қонқаевқа және басқаларға тапсырып, олардың алғыстарын алып, қуа­ныштарын бөлісті. Одан соң Премьер-Министр «Ақсу» шағын ауда­нын­дағы 280 орындық «Ай­гө­лек» балабақшасының ашылу салтанатына келді. Жобаның құны 373 млн. 719 мың теңге. Ол республикалық бюджет қаржысы. Ата-аналар атынан сөз алған Үміт Әбдіғалиева жас ұрпақ тәрбиесіне зор мән берген Елбасына, Үкіметке аналық алғыс сезімін білдірді. Үкімет басшысы осы қалада серпінді түрде қолға алы­ну­дағы «100 мектеп, 100 аурухана» бағдарламасы бойынша салынудағы нысандарға зер салды. Соған орай «Жұлдыз» шағын ауданындағы респуб­ликалық бюджет есебінен қаржыландырылған 1200 орын­дық орта мектептің құ­ры­лыс барысымен танысты. Одан соң «Өзен» темір жол стансасында салынудағы 100 орындық вокзал үйінің құры­лы­сын 2011 жылдың маусым айында аяқтау керектігі қаперге берілді. Сондай-ақ Премьер-Министр бастаған топ осы шағын аудандағы 120 орындық перзентхана құрылысын аралап көрді. Одан әрі К.Мәсімов 100 орындық өкпе ауруларына қарсы ауру­ха­наның ашылу рәсіміне қатысты. Осы сапарында Премьер-Министр К.Мәсімов ел тәуелсіз­ді­гі­нің 20 жылдығы мен Маңғыстау мұнайының 50 жылдығына орай Жаңаөзен қаласында жүзеге ас­қан аға ұрпаққа тағзым, жас өркендерге үлгі-өнеге боларлық игі шараның нәтижесін көрді. Үкімет басшысы осы жерде қала жұртшылығы өкілдерімен кездесуде осы жазда Бекет ата басына барғанда еліміздің тыныш, хал­қы­мыздың аман-сау болып, өсіп өркендеуін тілеп едім. Бүгін осы қалаға келгелі сол тілегімнің қабыл болғанына қуанып отыр­мын. Себебі, Елбасы тапсыр­ма­сы­мен Жаңаөзенде арнайы бағдар­лама негізінде көптеген жұмыс атқарылды. Бүгін бір күнде бірнеше әлеуметтік нысан пайда­ла­нуға тапсырылды. Бұл қаланың келешегі зор, мұнайшылар меке­ні­нің одан әрі өркендей түсуіне серпін береді деген сөз. Барша­ңызға мол табыс, құт-береке тілеймін – деген игі тілегін білдірді. Жиналғандар атынан сөз ал­ған Жаңаөзен қалалық ардагерлер кеңесінің төрағасы Өтежан Алшымбаев Үкімет басшысына қамқорлық пен қолдаулары үшін рахмет сезімін білдіріп, күні кеше ғана шығысқа­зақстандық­тар­дың Тәуелсіз Қазақстанның Тұң­ғыш Президенті, Ұлт Көшбас­шы­сы Нұрсұлтан Назарбаевтың президенттік өкілеттігін 2020 жыл­ға дейін ұзартуды жаңа­өзен­діктер қызу қолдайтындық­тарын жеткізді. Одан соң Премьер-Министр  2009 жылғы қыркүйекте Елбасы Н.Назарбаев телекөпір арқылы сәт-сапар тілеген ұзындығы 146 шақырым болатын «Өзен-Түркі­менстанмен мемлекеттік шекара темір жол құрылысы» жобасы­ның жүзеге асырылуы барысы­мен та­нысу үшін «Болашақ» темір жол стансасында болды. Премьер-Министр К.Мә­­­сі­­мовтің жұмыс сапары кезінде оның қа­сында Еңбек және халықты әлеу­меттік қорғау министрі Г.Әб­ді­халықова, Білім және ғылым министрі Б.Жұмағұлов, Мұ­най және газ министрінің орын­басары Л.Қиы­нов, ұлттық ком­паниялар басшылары болды. Жоламан БОШАЛАҚ, Маңғыстау облысы.