Стратегиялық әріптестікті нығайту жолында

Кеше Қытай Халық Республикасының Сыртқы істер министрі Ян Цзечидің Қазақстанға ресми сапары басталды, деп хабарлады Қазақстан Сыртқы істер министрлігінің баспасөз қызметі. Өзінің қытайлық әріп­те­сімен кездесуде Қазақстан Республикасының Мемлекеттік хатшысы – Сыртқы істер министрі Қанат Саудабаев ағымдағы жылы біздің елдеріміздің басшылары қа­былдаған Стратегиялық әріп­тестікті орнату және дамыту жөніндегі бірлескен деклара­цияға 5 жыл толға­нын, атал­ған құжат тек екі­жақ­ты қа­рым-қатынасты да­мы­ту үшін ғана емес, бүкіл аймақтағы бейбітшілік пен тұрақты­лық­ты орнатуда да маңызы зор құжат болып табы­ла­тынын атап өтті. ҚР Мемлекеттік хат­шы­сы – Сыртқы істер министрі атап өткендей, Қазақстан-Қытай ынтымақтастығына ҚР Президенті Нұрсұлтан На­зарбаев пен ҚХР Төраға­сы Ху Цзиньтаоның дәстүрге айналған жиі кездесулері айтарлықтай қарқын беруде және екі көшбасшының қол жеткізген уағдаластықтарын жүзеге асыруға барлық күш-жігер жұмсалатын болады. Екі ел сыртқы саясат ве­домстволарының басшыла­ры Астана мен Бейжің ара­сындағы ынтымақтас­тық­тың стратегиялық ерекшелігін атай отырып, екіжақты негізгі мәселелерді, халықаралық және аймақтық қауіпсіздік ахуалын талқылады. Кездесу барысында келесі жылдың басына жоспар­лан­ған Қазақстан Президенті Н.Назарбаевтың Қытайға сапарына дайындық жұмыс­тарын бастау жөніндегі келісімге қол жеткізілді. Халықаралық бірлестіктер аясындағы, атап айт­қан­да, БҰҰ, ШЫҰ, АӨСШК аясындағы, өзара ықпал­дас­тықты, Азия-Тынық мұхит аймағындағы түрлі пішіндердегі ынтымақтастықты тал­қылай отырып, тараптар лаңкестік, экстремизм және сепаратизм секілді үш қа­термен бірлесіп күресу жө­ніндегі ұстанымдары өзгер­мегендігін тағы да қуаттады. Осы және басқа да мәсе­лелер кездесу қорытындысы бойынша екі ел сыртқы істер министрлері қол қойған ҚР мен ҚХР сыртқы саясат ве­домстволары арасындағы 2011-2013 жылдарға арнал­ған ынтымақтастық жөнін­дегі меморандумда көрініс тапқан.