Қарулы Күштерде кәдеге жаратылатын оқ-дәрілердің саны артуда

АСТАНА. 11 қаңтар. 2015 жылы Қазақстан Республикасы Қарулы Күштерінде мемлекеттік қорғаныс тапсырысы шеңберінде 160 мыңнан аса артиллериялық оқ-дәрілер, 260 мыңға жуық қол гранаталары және 10 мыңнан аса инженерлік оқ-дәрілер кәдеге жаратылды. Бұл туралы egemen.kz тілшісі хабарлады. Оқ-дәрілерді пайдаға асыру үдерісі кәдеге жаратудың екі учаскесінде Арыс қаласы мен Отар станциясында жүргізіледі. Ол жерде арнайы жабдық, оның ішінде модульдер бар. «Жабдықтың осы түрлерінде оқ-дәрілерді бөлшектеу, порохтарды ажырату, тротилды қорыту, яки, оқ-дәрілерді алудан бастап толық бөлшектегенге дейін және әрі қарай іске асырылатын кәдеге жаратылатын өнімдер алуға дейін жүргізіледі және қаржы мемлекет бюджетінің кірісіне түседі.  Сақталуы бойынша мерзімі өтіп кеткен оқ-дәрілер тиісті санатқа ауыстырылады және пункттерімізде кәдеге жаратылады. Олардың арасында 40-шы жылдардың соңындағы, 50 – 60-шы жылдардағы оқ-дәрілер де бар», деді «Қазтехнология» АҚ кәдеге жарату департаментінің директоры Ербол Әлібеков. Кәдеге жарату әрі қарай қара және түрлі-түсті сүймен ретінде іске асырылуы мүмкін материалдарды бөлшектеу және алу әдісімен жүргізіледі. Порох пен тротил – жарылғыш заттар бөлек іске асырылады. Мамандардың айтуынша, статистика бойынша кәдеге жаратылатын оқ-дәрілердің саны жыл сайын арта түсуде. Техника қауіпсіздігін сақтау мен жетілдіруге де аса мән берілуде. «Біз технологияны өзгертіп, оны жақсарттық. Порохтарды ажырату әдісін біз әбден өзгерттік, жазатайым оқиғалардың орын алу ықтималдылығы барынша азайтылды. Әртүрлі оқытуды жүргіземіз, қосымша жабдық, қорғаныс құралдары сатып алынуда, еңбекті күзету мен өндірістегі қауіпсіздік жөнінде мамандардың қосымша лауазымдары енгізілді. Кәдеге жарату бойынша операциялардың барлық түрлері бейнебақыланып отырады», деді Ербол Әлібеков. Кәдеге жарату өнімдерін іске асыру нәтижесінде 2015 жылы республикалық бюджетке 322 млн. теңге аударылғанын айта кеткен жөн. Дастан Кенжалин. Дерек, сурет: Қазақстан Республикасы Қорғаныс министрлігі.