Жамбыл облысында мекемені 9 жыл тонаған күдікті ұсталды

ТАРАЗ. 19 қаңтар. Жамбыл облысында теміржол компаниясын 9 жыл бойы тонап келген күдікті қолға түсті. Ұсталған азамат осы мекемедегі бағдарламалық қамтамасыз ету бөлімінде аға қызметкер болып жұмыс істеген. Бұл туралы көліктегі ішкі істер департаментінің мәліметіне сүйенген egemen.kz тілшісі хабарлады Күдікті интернет желісі арқылы бухгалтерияның дербес желісіне кіріп, өзінің және сыбайластарының шотына ақша аударып отырған. Компанияға келтірілген жалпы шығын 9 миллион теңгеден асады. Күні кеше ұсталған азаматтың үстінен жүрген сот процесі аяқталып, судья оны 5 жылға бас бостандығынан айырды. Жалпы, былтыр rөліктегі ішкі істер департаментінің мамандары теміржолда жұмыс істейтін 20 күдіктіні ұстаған. Олар вагондардағы жүктерді ұрлаумен айналысқан. Оралхан Дәуіт. Дерек, сурет: egemen.kz