Ақмола облысының полицейлері мыңнан астам маскүнемді есепке алды

КӨКШЕТАУ. 19 қаңтар. Өмірдің өз өнегесі көрсетіп тұрғандай, аса ауыр қылмыстардың көбі алкогольдік мастану кезінде немесе ішімдіктердің әсерінен жасалады. Осыған байланысты Ақмола облысының полицейлері ішімдік ішу мен алкоголизмнің алдын-алу мақсатында маскүнемдердің аты-жөндерін анықтады. Бұл туралы облыстық ішкі істер департаментінің дерегіне сүйенген egemen.kz тілшісі хабарлады. Осы жұмыстың барысында аймақта 2015 жылдың басынан 202 маскүнем есепке алынды. Жеке тәртіпке көнбейтін тұлғаларға қатысты, күштеп емдеу шаралары қолданылды. Осылайша полицияның учаскелік инспекторлары материалдары бойынша Ақмола наркологиялық ауруханасына күштеп емдеу үшін облыс соттарының шешімімен 457 маскүнем жазаға кесілді. Полицияның учаскелік инспекторлары жағымды тәжірибесі ретінде алкогольдік сусындардың жүйелік түрде ішілетін орындарға бақылау жүргізді. Барлығы облыс бойынша алкогольдік ішімдектердің ішуіне арналған 576 орын тексерілді, қосымша түрде анықталып, есепке алынғаны – 51 орын, соның ішінде 16-сы облыс орталығының еншісіне жатады. Тізімдік есепке спирттік өнімдерді ішу үшін сол орындарға баратын, қылмыстық есептің барлық түрлеріне алынатын және олармен алдын-алу жұмыстарын жүргізу үшін 512 тұлға кірді. Ішімдік ішу мен алкоголизмнің алдын-алуда түйінді мәселелердің болуына қарамастан, облыс аумағында тәртіп сақшылары мастық жағдайда жасалатын қылмыстар санының артуына жол бермеді. Кемуі 985-ден 942-ге дейін жетіп, 4,4 пайызды құрады. Бақберген Амалбек. Дерек: Ақмола облыстық ішкі істер департаментінің баспасөз қызметі.