Топ белсенділігімен танылды

Елбасы Нұрсұлтан Назарбаев бүгінгі дамуымыздың басты құ­жатында: «Қазақстан хал­қы­на Жол­дауымдағы барлық міндет­терді жү­зеге асыруда мен «Нұр Отан» партиясына ерекше орын беремін... Кең көлемді түсіндіру жұмыстарын жүргізіп, адамдарды жұмылдыру, қойылған барлық мін­деттерді орындауда біріктіру керек. Жолдауды жүзеге асыруға белсене қатысуға шақырамын», деп атап көрсетті. Бұл партияның сенімді қолқанаты «Жас Отан» жастар қанатына қойылған тіке­лей тапсырма екендігі анық. Мұ­ны жақсы түсінетін Жарқайың ау­дандық жастар ұйымында ма­ңызды құжаттың қағидаттарын жұрт­­шылыққа жеткізу мақсатында қоғамдық ақпараттық-насихаттық топ құ­рылған болатын. Жуырда «Нұр Отан» пар­тия­сының аудандық филиа­лында Дер­­жавин қаласының жас­тары­­мен кездесу болып өтті. Бас­қосу­ды топ басшысы, жастар ресурс­тық ор­­та­лығының директоры, ау­дан­дық «Жас Отан» ЖҚ жетекшісі Фархат Байқасов ашып, өз сөзінде Елбасы Жолдауындағы негізгі тұ­жырымдарға тоқталып өтті. – Мемлекет басшысы, «Нұр Отан» партиясының Төрағасы Нұр­сұлтан Әбішұлы Назарбаев «Қа­зақстан жаңа жаһандық нақты ахуалда: өсім, рефор­малар, даму» ат­ты Жолдауында жас­тарға үлкен міндеттер жүктеді. Жолдаудағы: «Білімді, еңбекқор, бастамашыл, белсенді болуға қазірден бастап дағдыланыңдар... Ерінбей еңбек ет­кен, талмай ғылым іздеген, жа­лық­пай техника меңгерген адам озады. Тұрмысы жақсы, абыройы асқақ болады. Біз жүзеге асырып жатқан түбегейлі реформалар мен атқарып жатқан қыруар істердің бәрі сендер үшін, болашақ үшін жа­салуда», деген ұлағат бізді үл­кен жауапкершілікке бастайды. Ау­дан жастары осынау абыройлы міндеттер үдесінен шығады де­ген сенімдемін, – деді жастар жетекшісі. Сонымен қатар, қатысушылар алдында ауданның белсенді жас­тары Бақытгүл Даринова, Мәдина Қаратаева, Тоқтар Шпанов, Әділ Нұр­беков сөз алып, Жолдаудың негізгі бағыттары жайлы әңгі­ме­леді. Осымен бір мезетте қала жас­та­рының Қазақстан Пре­зи­ден­ті Н.Назарбаевтың жуырда жариялаған «Ұлт Жоспары – Қа­зақ­­стандық арманға бастайтын жол» мақаласы жайлы қызу пікір алмасуы ұйымдастырылды. Топ мүшелері келесі күні ау­дан орталығындағы Ақпан Үкібаев атындағы орта мектептің мұға­лім­­дерімен және жоғары сынып оқушыларымен кездесу өткізді. Жасөспірімдер өз болашағына бей­жай қарамайтынын аңғартып, білім беру саласына байланыс­ты көптеген сауалдарын қойды, оның ішінде қандай мамандықты таңдау қажеттігі, техникалық ма­ман­дық беретін оқу орындары, жұмысқа орналасу мәсе­лесі тура­лы толғаныстарға тың­ғылықты жауаптар қайтарылды. Қоғамдық ақпараттық-наси­хат тобы таяу арада өтетін ауыл жас­тары­мен кездесуге қызу дайындалу­да.  Бақберген АМАЛБЕК, «Егемен Қазақстан».   Ақмола облысы, Жарқайың ауданы.