Алматы апорт өсіруді жанданырады

АЛМАТЫ. 22 қаңтар. Мегаполистің 1000 жылдық мерей тойына  орай Алматыда аңыз болған «алма қаласы» атағын қайтарып алу үшін үлкен жұмыстар жүргізілмек. Қазіргі күндері алма бақтарының  нақты орны анықталған. Бұл туралы egemen.kz тілшісі хабарлады. 2016 жылдың сәуірінен бастап әлеуеті мықты инвестор  «Apple world» ЖШС мақсатты  жұмыстарды іске асыруды бастайды.  Сондай-ақ 3 профильді аграрлық компания алма бақтарын өркендетуге ниет білдіріп отыр және бұларға қажетті жер телімдері қарастырылуда. Толайым алғанда Алматы қаласының тұрғындары жылына 17 мың тонна алманы қажет етеді. Қала әкімінің жоспарлауынша, 2020 жылға дейін Алматы облысының аумағындағы алма өндірісі 3,5 мың тоннаға жетуі тиіс. Мұндай көрсеткіш алма тұтынушылығының  бестен бір бөлігін қамтамасыз етіп отырады. Құралай Шыңғысқызы. Дерек, сурет: egemen.kz.