Ресейде жазасын өтеуші төрт адамды өлтірген қылмыскерді өлтірді

АСТАНА. 22 қаңтар. Ресейде үш адамды пышақтаған жігіт түрмеде төрт туысқанын өлтірген жазасын өтеушіні өлтірді. Бұл туралы lenta.ru сайтына сілтеме жасаған egemen.kz тілшісі хабарлады. Приморье өлкесі тергеу комитеті басқармасының хабарлауынша, үш адамды өлтіріп, өмір бойы бас бостандығынан айрылған 26 жастағы жігіт өзімен бірге бір камерада отырған тағы бір қылмыскерді өлтірген. Ол 31 жастағы жігітті бауыздап тастаған. Соның салдарынан камераласы жан тәсілім етті. Қайтыс болған адам да бірнеше адамды өлтірген көрінеді. Ол бұған дейін азаматтық некедегі әйелін, оның 8 жастағы баласы мен өзінің әке-шешесін өлтірген екен. Тергеу комитетінің деректеріне қарағанда, ол 7 қаңтар күні түн ортасында қызғаныштан ащы суға тойып алып, азаматтық некедегі әйелі мен оның баласын ломмен ұрып өлтірген. Содан кейін әке-шешесінің үйіне барып, анасын пышақтаған. Осы кезге дейін  анасы әйелінің көзіне шөп салғанын жасырып келіпті. Тергеушілердің айтуынша, сол себепті ол шешесіне пышақ жұмсаған. Ал әкесін ол бала кезден бері жек көріп келген екен. Дастан Кенжалин. Дерек: lenta.ru Сурет: egemen.kz